Gose greba mugagabea hasi dute Valdemoroko euskal presoek

Bakartzearen aurka gose greba mugagabeari ekin diote Iker Araguas, Patxi Uranga eta Asier Kintana euskal presoek Valdemoroko espetxean, Aministiaren Aldeko Mugimenduak jakinarazi duenez. Asteotan hainbat protesta egin dituzte, hiru modulotan bakartuta dauzkatelako, baina espetxeko zuzendariak ez ditu aintzat hartu eskaerak, eta horregatik erabaki dute gose greba hastea.