Igandean Arrasaten (Gipuzkoa) atxilotutako Igor Portu eta Mattin Sarasolari atzemandako agiriei esker Espainian, Sabiñanigo herrian (Aragoi), ETAren arma gordeleku handi bat aurkitu dutela zioen atzo gauean Espainiako Barne Ministerioak, eta gaur arratsaldean Guardia Zibilak esan du Lesakan (Nafarroa) beste bat topatu duela, Otxandoa auzoa, Sarasolaren sendiaren terrenoetan. Poliziaren arabera, bi lagunen bila dabiltza, Lesakako biltegiarekin zerikusia dutelakoan.
Sabiñanigoko gordelekuan 125 kilo lehergai, besteak beste, pentrita, aurkitu dutela zehaztu dute. Horrez gain, dozena bat detonagailu eta tenporizagailu atzeman dituztela diote, guztiak bidoietan sartuta. Lesakan zer aurkitu duten ez dute jakinarazi oraindik.
Polizia iturrien arabera, Porturi eta Sarasolari atzeman zizkieten bi pistolak ez dira ETAk erabili ohi dituenak. Smith&Wensson markakoak dira.
Guardia Zibilak dio Lesakan ETAren beste arma gordeleku bat aurkitu duela
Iruzkinak
Ez dago iruzkinik
Ordenatu
