Atxiloketak

Guardia Zibilak lau lagun atxilotu ditu Gipuzkoan eta bat Nafarroan

Goizaldean bi lagun atxilotu ditu Guardia Zibilak Donostian, beste bi Irunen eta bat Iruñean. Espainiako informazio agentzien arabera ETAren kontra igandean hasitako operazio handiaren harira egin dituzte atxiloketak. Poliziak Pedro Alkantarillarekin lotu ditu bostak, eta ETAren laguntza taldea osatzea leporatzen diete. Espainiako Polizia iturrien arabera, Juan Jose Zarautz Lekuona eta Jose Ramon Unanue Urdanpilleta atxilotu dituzte Donostian; Maria Arantzazu Sanchez Larrarte eta Aimar Guzon Arrese Irunen; eta Aimar Allarza Larrarte Iruñean. Igandean hasitako operazioak irekita jarraitzen du.

2004ko urriaren 6a

17:51

Entzun 00:00:00 00:00:00

Espainiako Auztitegi Nazionalak agindu ditu atxiloketak, eta goizeko 02:00etatik 05:00etara bitartean egin dituzte.

Atxilotutako guztiak Madrilera eraman dituzte.

ETAn sartzeko prest

Espainiako Barne Ministro Jose Antonio Alonsok esan duenez, Gipuzkoan eta Nafarroan atxilotutako bost lagunek ETAn sartzeari baiezkoa eman zioten.

ETAkideak bilatzearen ardura

Espainiako Gobernuak Nafarroan duen ordezkari Vicente Ripak azaldu duenez, Iruñean atxilotutako Aimar Allarzak ETAkide berriak bilatzeko ardura zuen.

Haren etxean ez dutela armarik aurkitu esan du Ripak, ordenagailu bat eta domukentazioa aurkitu dutela esan du.

Emakume haurduna, erietxera

Guardia Zibila Allerzaren etxera joan denean, hura bere bikote-kidearekin zegoen. Emakumea haurdun dago, eta erietxera eraman dute, Riparen esanetan, berak eskatuta. Emakumeak ez du inolako kargurik.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak