Paueko (Frantzia) Apelazio Auzitegiak, defentsak eskatuta, hilaren 16ra arte atzera du Aitor Zubillagaren (Legazpi, Gipuzkoa; 31 urte) kontrako euroagindu eskaeraren aztertzea. Espainiako Auzitegi Nazionalak eskatu du hura Espainiara eramatea, 2000an kale erasoetan parte hartu zuelakoan. Armen jabetza leporatzen ere dio Auzitegi Nazionalak Zubillagari.
Zubillaga abuztuaren 25ean atxilotu zuen Frantziako Poliziak Gotaine-Irabarnen (Zuberoa), eta hurrengo egunean baldintzapean aske utzi zuen, Paueko Fiskaltzak galdeginda.
Abuztuan atxilotu zutenean, neska-lagunarekin eta 5 urte eta 15 hilabeteko haurrekin zegoen.
Espainiako Poliziak aspaldidanik jardun du haren atzetik, nahiz eta ez den ihesean bizi izan. Hain zuzen, urteak daramatza Gotaine-Irabarnen bizitzen.
Hilaren 16an aztertuko dute Pauen Aitor Zubillagaren kontrako euroagindu eskaera
Iruzkinak
Ez dago iruzkinik
Ordenatu
