Abdelatif Gamal Rashid Irakeko Gobernuko Ur Hornidurako ministroa onik atera da gaur Bagdad erdian bere aurka egin duten atentatutik. Hiru polizia eta hiru zibil zauritu dira leherketan. Ministroaren konboia aurretik pasatzean egin du eztanda bonbak. Inork ez du bere gain hartu erasoa.
Ez da hori izan gaur goizean Irakeko hiriburuan egon den atentatu bakarra. Beste batean, bi lagun hil eta 26 pertsona zauritu dira, Sadr auzo xiitan egondako leherketan.
Al Ambar probintzian, berriz, gutxienez hiru lagun hil eta hamasei zauritu dira auto bonba baten ondorioz. Bagdad ehun kilometrora dago Al Ambar.
Irakeko ministro bat onik atera da bere aurkako atentatutik
Iruzkinak
Ez dago iruzkinik
Ordenatu
