Israelek hiru palestinar hil ditu Gazan

Israelgo Armadak hiru palestinar hil ditu gaur Gazan (Palestina). Haietako bat goizean hil dute, kohete batekin: gizonezko miliziano bat. Geroago bi zibilek galdu dute bizia -gizonezko eta emakumezko batek-, israeldar soldaduek airez erasoa egin ostean Beit Hanun herrian. Beste sei lagun zauritu egin dituzte eraso berean. Israelek esan du milizianoen kontra egin nahi zuela. Haien misil batek, ordea, zibilen etxe bat jo du, eta bi lagun haiek hil dira.