Kortezubiko Udalak legezko zer neurri hartu aztertuko du

11 urteko herritarraren heriotza dela-eta bilkura egin du gaur Kortezubiko Udalak, legezko zer neurri hartu aztertzeko, Domingo Bilbao Etxebarria alkateak jakinarazi duenez.

Izan ere, Udalari ez zaio heriotza "normala" iruditzen. "Ezin diogu inor leporatu heriotza, baina ez da normala neska bat aterpe bateko logelan hiltzea. Egun osoan ari zen esaten ondoezik zela, botaka jardun zuen, bi aldiz ikusi zuen medikuak, baina ez zuten ingresatu", esan du alkateak.