Askatasunaren aurkako azken polizia operazioaren harira, Nafarroako 40 kazetarik adierazpen askatasunaren aldeko manifestua izenpetu dute. Kazetariek "larritzat" jo dute Espainiako Poliziak apurtu.org ataria kudeatzen zuten lau lagun atxilotu izana.
Halaber, "kezkatuta" agertu dira atxilotuak inkomunikatuta daudenez horien "segurtasuna bermatzen duen kontrol mekanismorik" ez dagoelako.
Manifestuaren sinatzaileek adierazi dutenez, Poliziak Apurtu.org-ren aurka egiteak guztiei eragiten die. "Apurtu-ren xedea informatzea da, ez mehatxatzea". Era berean, web haren jarduna zilegi dela gaineratu dute, "tortura eta polizien gehiegikeriak" salatzen dituela eta "espetxe politikarekin kritiko" dela.
"Pertsona guztien eskubide guztiak bermatzen diren agertoki" baten alde egin dute izenpetzaileek, "hedabideenganako inongo eraso eta indarkeririk gabe". Agertoki horretan Apurtu egitasmoak lekua behar duela diote.
Nafarroako 40 kazetarik adierazpen askatasunaren aldeko manifestua sinatu dute
Iruzkinak
Ez dago iruzkinik
Ordenatu
