PSE-EEk dio presoen senideentzako diru laguntzak bertan behera uzteko zuzenketari eutsiko diola bihar

Rodolfo Ares Eusko Legebiltzarreko PSE-EEren bozeramaileak gaur azpimarratu du, bihar EAEko aurrekontuak bozkatzeko egingo den osoko bilkuran, presoen senideentzako diru laguntzak bertan behera uzteko zuzenketari eutsiko diola.

Aresek azaldu duenez, PSE-EEk aurrekontu proeiktua babestuko du Eusko Jaurlaritzarekin hitzartutako aurrekontuetarako akordioari eutsiz. Era berean, azpimarratu du “Euskadik partekatutako proiektuak behar ditu, besteak beste, hazkunde ekonomikoa eta azpiegitura proiektu estrategikoak bultzatzeko”. Hala ere, berretsi egin du presoen senideentzako diru laguntzak bertan behera uzteko zuzenketa mantenduko duela “gai honen inguruan akordiorik lortu ez zutelako”.