Nafarroako foruzainek azkeneko egunetan sei gizonezko atxilotu dituzte, ustez emakumeen kontrako indarkeria edo tratu txarrengatik, eta beste bat inputatu egin dute.
Igandean Tuteran, emazte ohiarekiko daukan urruntze agindua hausteagatik, 40 urteko gizonezkoa atzeman zuten.
Larunbatean Iruñean bi gizonezko atxilotu zituzten: 34 urtekoa bat, bikotekidea jotzeagatik ustez, eta 43 urtekoa bestea, emazteari heriotza mehatxua egin ziolakoan.
Ostegunean hiru atzeman zituzten, bikotekideak edo bikotekide izandakoak jotzea leporatuta: Iruñean -47 urtekoa-, Burlatan -48 urtekoa- eta Altsasun -32 urtekoa-.
Atzo, berriz, Iruñean 29 urteko gizonezko bat inpuntatu egin zuten, bikotekidea jotzeaz akusatuta.
Sei gizonezko atzeman dituzte Nafarroan azkeneko egunetan
Iruzkinak
Ez dago iruzkinik
Ordenatu
