Aurtengorako ere antolatu du ESAITek selekzioaren aldeko aldarrikapen eguna Frantziako Tourrean: asteburuan izango da, Tourmaleten eta inguruan. Larunbatean arratsaldeko zazpietan Euskal festa izango da. Hurrengo egunean, berriz, goizeko bederatzietan hasita bizikleta martxa egingo dute Tourmalet azpitik, hamabi kilometrokoa -lau eta erdikoa ere izango da, La Mongietik-, eta goialdean festa egingo dute (musika, euskal produktuak...).
"Euskal selekzioaren aldeko aldarrikapena nazioartera eraman nahi dugu, eta Tourra erakusleiho paregabea da horretarako", esan du gaurko aurkezpenean ESAITek.
Besteak beste, Aitor Perez Arrieta eta Mikel Gaztañaga txirrindularien babesa izan du.
Selekzioaren aldeko jaia egingo dute asteburuan Tourrean
Iruzkinak
Ez dago iruzkinik
Ordenatu
