AEBetako armadako general Antonio Tagubak agerraldia egingo du gaur senatu estatubatuarrean. Han, AEBetako soldaduek preso irakiarrei egindako torturen inguruan azalpenak eman beharko ditu.
Tagubak egin du torturen inguruko lehen txostena. Han esaten denez, badira beste irudi batzuk, eta haietako batean "preso irakiar batekin sexu arremanak izaten ari den polizia militar bat" agertzen da. Txostenean ez da zehaztapen gehiagorik ematen. Pentagonoko bozeramaile Lawrence di Ritak azaldu duenez, "sexu jarrera desegokia" agertzen da argazki horietan.
AEBetako presidente George W.Bushek astelehenan ikusi zituen irudiok, eta "atsekabea" hartu zuen.
Tortura
Sexu jazarpenak agertzen diren irudi berriak dituzte AEBek
Iruzkinak
Ez dago iruzkinik
Ordenatu
