Zapaterorekin bildu aurretik Gasteizko Legebiltzarra osatzen duten alderdiekin bilduko dela iragarri du Ibarretxek

Hilaren 13an Espainiako Gobernuko presidente Jose Luis Rodriguez Zapaterorekin bildu aurretik Gasteizko Legebiltzarra osatzen duten alderdien bozeramaileekin bilduko dela iragarri du Juan Jose Ibarretxek. Bilera horien helburua "iragan abenduaren 30ean hasitako prozesu politiko berria nola bideratu" aztertzea izango da. PPko bozeramailea ezik, gainontzeko bozeramaileek Ibarretxerekin biltzeko asmoa agertu dute.