"Zuzenbide Estatuan eta demokrazian desafioak ez dira zilegi". Hitz horiekin erantzun dio Jose Luis Rodriguez Zapatero Espainiako Gobernuko presidenteak Batasunaren deiari; hots, ilegalizazioa albo batera utzi eta politikagintzan normaltasunez jarduteko aukera zabaltzeari.
Zapaterok nabarmendu du Espainiako Alderdien Legea dela Batasunari hauteskundeetara aurkeztea eragozten diona, eta, beraz, Auzitegi Gorena dela erabakia hartu behar duena. Batasunari "indarkeria gaitzesteko ausardia" eskatu dio, eta, duela egun batzuk esandakoa berretsiz, ohartarazi dio "bonbak eta pistolak espetxerako eta erakundeetan isilduak izateko" bidea baino ez direla.
Politika
"Zuzenbide Estatuan desafioak" ez direla zilegi erantzun dio Zapaterok Batasunari
Iruzkinak
Ez dago iruzkinik
Ordenatu
