HAITI

Hizkuntzak: frantses (biztanleen %10ek soilik erabiltzen dute), Haitiko kreolera; biak dira ofizialak.
Biztanleak: 10,2 milioi (NBE, 2012). Beltz (%95), mulato eta zuri (%5).
Erlijioak: katoliko (%80), protestante (%16), sinesgabe (%1), beste (%3). Biztanleen ia erdiek budua ere praktikatzen dute.
Jakingarriak: Ayiti kreoleraz.
 

HEGO KOREA

Hizkuntzak: koreera, ingeles.
Biztanleak: 48,6 milioi (NBE, 2012). Korear, 20.000 txinatar inguru.
Erlijioak: afiliazio gabe (%46), kristau (%26), budista (%26), konfuzianista (%1), beste (%1).
Transkripzioak: Nazioartean finkaturiko erak erabiliko ditugu. Koreako pertsona izenek bi zati izaten dituzte: lehenbizikoa abizena da (familiako patronimikoa), eta bigarrena, izen pertsonala. Bigarren aipamenean, aski da abizena. Esaterako: 'Ban Ki-moon' aurrena aipatzen dugunean, eta 'Ban' hortik aurrera.
 

HEGO SUDAN

Hizkuntzak: ingeles (ofiziala), arabiera, juba arabiera, dinka (3 milioi), nuer (1,4 milioi) eta beste hainbat.
Biztanleak: 7,5-9,7 milioi (NBE, 2006). Dinkak dira talde handiena (3 milioi).
Erlijioak: sinesmen tradizional (gehien-gehienak), kristau (%20).
Jakingarriak: 1983. urteaz geroztik, gerra zibila izan da Sudanen. 2005. urteko urtarrilaren 9an, bake akordio bat sinatu zuten, eta, horren bitartez, Hego Sudanek autonomia eskuratu zuen. Sei urteren buruan autodeterminazio erreferenduma egin, eta independentzia aldarrikatu zuen 2011ko uztailaren 9an.
 

Hego Tirol

Hizkuntzak: hiru hizkuntza ofizial daude: alemana (%69,15), italiera (26,47), ladinera (%4,37).
Biztanleak: 476.023 lagun. Italiar, alemaniar.
Jakingarriak: alemanez eta ladineraz, Südtirol. Italieraz, Alto Adige (euskaraz, Adige Garaia). Italiako Alpeetan dago, baina gehienak alemanez mintzatzen dira. Zenbaitek naziotzat jotzen dute Tirol historikoa: Ipar eta Mendebaldeko Tirol (Austria) eta Hego Tirol (Italia).
Transkripzioak: italierazko toponimoak ezagunagoak zaizkigunez, horiek erabiliko ditugu, baina mugimendu abertzaleari edo hizkuntzari buruz idaztean, alemanezkoa ere idatziko dugu parentesi artean.
 

HEGOAFRIKA

Hizkuntzak: 11 hizkuntza ofizial daude: zuluera (%23,8), xhosera (%17,6), afrikaans (%13,3), ipar-sothoera edo pediera (%9,4), ingeles (%8,2), tswanera (%8,2), hego-sothoera (%7,9), tsongera (%4,4), swaziera, hego-ndebelera, vendera. Beste mintzaira batzuk: sanera, khoikhoiera, portuges, aleman, hindi, telugu, gujaratera.
Biztanleak: 50,7 milioi (NBE, 2011). Beltz (%79; horien artean, zulu, xhosa, basotho, bapedi, venda, tswana, tsonga, swazi eta ndebele dira talde handienak), zuri (%9,6), mestizo (%8,9), indiar / asiar (%2,5).
Erlijioak: kristau (%11,1), mendekoste (%8,2), katoliko (%7,1), metodista (%6,8), Herbehereetako Eliza berritu (%6,7), anglikano (%3,8), bestelako kristau (%36), musulman (%1,5), beste (%2,3), zehaztugabe (%2,3), sinesgabe (%15,1).
 

HERBEHEREAK

Hizkuntzak: nederlandera da hizkuntza ofiziala. Frisiera ere ofiziala da Frisian, papiamento Aruban eta Curaçaon, eta ingelesa Sint Maartenen eta Curaçaon. Behe saxonierak (iparraldean) eta linburgerak (Limburg probintzian) ezagutza ofiziala dute, eskualde hizkuntza gisa.
Biztanleak: 17 milioi. Nederlandar (%83), beste (%17; horietatik %9, turkiar, marokoar, antillar, surinamdar, indonesiar).
Erlijioak: katoliko (%31), Herbehereetako Eliza berritu (%13), kalbinista (%7), musulman (%5,5), beste (%2,5), sinesgabe (%41).
Jakingarriak: ikus Frisia (Herbehereetako ipar-ekialdeko eskualdea da).
Menpeko herrialdeak: Aruba, Bonaire, Curaçao, San Eustakio, San Martin (Karibe). 2010eko urrian, Holandarren Antillak desegin egin zituzten.
 

Herrialde Katalanak

Biztanleak: 11 milioi inguru.
Jakingarriak: Katalanez mintzo diren herrialdeak Katalunia, Balearrak, Rossello, Valentzia eta Andorra dira. Aragoin, Kataluniako mugan, La Franja de Ponent izeneko eremuan, katalanez mintzo dira, eta Sardinian ere bai, Alghero hirian (katalanez, L'Alguer; bertan, katalana ofiziala da, sardiniera eta italiera bezala). Herrialde Katalanetatik kanpokotzat jotzen diren zenbait lurraldetan ere hitz egiten da katalanez: Murtzian, adibidez, El Carxe eskualdean (El Carche gaztelaniaz), valentzieraz hitz egiten dute zenbait udalerritan.
Transkripzioak: leku izenak idazteko, katalanezko erak erabiltzen ditugu.
 

Holandarren Antillak

Hizkuntzak: nederlandera (ofiziala; %7,3). Herritar gehienek papiamento mintzaira erabiltzen dute (%65,4), hainbat hizkuntzaren eragina duen kreolera (portugesa du oinarri nagusi, eta nederlandera, gaztelania, ingeles elementu batzuk eta erro indigenak biltzen ditu). Ingeles (%15,9), espainiera (%6,1), kreolera (%1,6), beste (%3,7).
Biztanleak: 183.000 lagun (NBE, 2006). Beltz mestizo (%85), Karibeko amerindiar, zuri, indopakistandar.
Erlijioak: katoliko (%72), mendekoste (%4,9), protestante (%3,5), zazpigarren eguneko adbentista (%3,1), metodista (%2,9), Jehovaren lekuko (%1,7), judu (%1,3), beste (%5,4), sinesgabe (%5,2).
Jakingarriak: Karibeko kolonia nederlandarra izandakoa. 2010eko urrian, desegin egin zuten. Zazpi uhartek osatzen zuten; hauek ziren nagusiak: San Martin (nederlanderaz, Sint Maarten), Saba, San Eustakio, Curaçao eta Bonaire.
 

HONDURAS

Hizkuntzak: gaztelania (ofiziala), garifuna, zenbait hizkuntza amerindiar (miskitoera, pechera, sumoera, chortiera...).
Biztanleak: 7,9 milioi (NBE, 2012). Mestizo (%90, amerindiar-europar nahasketa), amerindiar (%7; tartean, lenca, miskito, paya edo pech, chorti maia eta tawahka edo ahua etniak), beltz (%2; tartean, garifunak, mintzaira indiarreko beltzak), zuri (%1).
Erlijioak: katoliko (%97), protestante.
 

HUNGARIA

Hizkuntzak: hungariera (ofiziala; %93,6). Gutxiengoen mintzairak ere badaude: aleman, errumaniera, kroaziera, esloveniera, erromani...
Biztanleak: 10 milioi (NBE, 2012). Hungariar (%92,3, magyarren ondorengoak), ijito (%1,9), beste (%5,8; tartean, alemaniar %1,2, errumaniar %0,8, eslovakiar %0,4, kroaziar %0,2, serbiar %0,2, ukrainar %0,1...). Hungariatik kanpo, gutxiengo hungariar asko daude Ukrainan (Transkarpatian), Errumanian (Transilvanian), Serbian (Voivodinan), Eslovakian; Austrian (Bungelanden), Kroazian eta Eslovenian ere badira.
Erlijioak: katoliko (%51,9), kalbinista (%15,9), luterano (%3), greziar katoliko (%2,6), bestelakoak edo zehaztugabeak (%12,1), afiliaziorik gabeak (%14,5).