BAHAMAK

Hizkuntzak: ingeles (ofiziala), kreolera (Haitiko etorkinen artean).
Biztanleak: 351.00 lagun (NBE, 2012). Beltz (%85), zuri (%12), asiar eta hispaniar (%3).
Erlijioak: baptista (%35,4), anglikano (%15,1), katoliko (%13,5), mendekoste (%8,1), Jainkoaren Eliza (%4,8), metodista (%4,2), bestelako kristau (%15,2), sinesgabe edo zehaztugabe (%2,9), beste (%0,8).
 

BAHRAIN

Hizkuntzak: arabiera (ofiziala), ingeles, persiera edo farsi, urdu.
Biztanleak: 1,4 lagun (NBE, 2012). Bahraindar (%62,4), asiar (%19), beste arabiar batzuk (%10), irandar (%8).
Erlijioak: musulman (%81,2; xiita eta sunita), kristau (%9), beste (%9,8).
Transkripzioak: izen bereziak idazteko, ikus alfabeto arabiarretik eta perso-arabiarretik transkribatzeko taula.
 

Baker uharteak

Jakingarriak: Ameriketako Estatu Batuen menpeko lurraldea, Ozeanian, Ozeano Barean. Gaur egun, ez da inor bizi.
 

Balearrak

Hizkuntzak: Katalana eta gaztelania dira ofizialak. Katalanez %70,8 mintzo dira.
Biztanleak: 1.113.114 lagun (2011).
Jakingarriak: Herrialde Katalanetako bat da.
Transkripzioak: leku izenak idazteko, katalanezko erak erabiltzen ditugu. Dena dela, 'Pitiusak, -ak' deituko diogu Illes Pitiuses uhartediari.
 

BANGLADESH

Hizkuntzak: bengalera edo bangla (ofiziala), ingeles, urdu eta beste zenbait (santalera, vaj, assamera, birmaniera, khasiera, kokborok, meitheiera, sylhetera).
Biztanleak: 152,4 milioi (NBE, 2012). Bengalar (%98), hainbat tribu (chakma, marma, santal, manipur... ), musuman ez bengalar.
Erlijioak: musulman (%83), hindu (%16), beste (%1; budista, kristau eta sinesmen tradizional).
Transkripzioak: Bangladeshko izen bereziak ingelesezko eran daude zabalduak, eta horiek erabiliko ditugu.
 

BARBADOS

Hizkuntzak: ingeles (ofiziala).
Biztanleak: 275.000 lagun (NBE, 2012). Beltz (%90), asiar eta mestizo (%6), zuri (%4).
Erlijioak: protestante (%67, tartean %40 anglikano), katoliko (%4), sinesgabe (%17), beste (%12; tartean, musulman eta hindu gutxiengoak).
 

Bassas da India

Jakingarriak: Frantziaren menpeko lurraldea, Afrika hegoaldean, Mozambikeko kanalean. Gaur egun, ez da inor bizi.
 

Baxkiria

Jakingarriak: Ikus Baxkortostan.
 

Baxkortostan

Hizkuntzak: baxkirera, errusiar (biak ofizialak), tatarera.
Biztanleak: 4,1 milioi (2010). Baxkir (%22,3), errusiar (%39), tatar (%28), txuvax, mari, ukrainar, aleman. Baxkir eta tatar etnien datuak 2002koak dira, eta, itxuraz, faltsutuak daude.
Erlijioak: baxkortostandarrak edo baxkirrak musulman sunitak dira nagusiki.
Jakingarriak: Lehen, Baxkiria. Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

BELARUS

Jakingarriak: Ikus Bielorrusia.
 

BELGIKA

Hizkuntzak: nederlandera (%60), frantses (%40), aleman. Hirurak dira ofizialak.
Biztanleak: 10,8 milioi (NBE, 2012). Flandriar (%58), valoniar (%31), beste (%11; alemaniar, italiar, espainiar, marokoar).
Erlijioak: katoliko (%75), protestante eta beste (%25; musulman, errusiar eta greziar ortodoxo, judu...).
Jakingarriak: hiru eskualde federatu ditu: Flandria (nederlandera da hizkuntza ofiziala), Valonia (frantsesa da hizkuntza nagusia, eta Ekialdeko Kantonamendua izeneko eremuan alemana ere ofiziala da) eta Brusela (eskualde elebiduna da, eta nederlandera eta frantsesa dira ofizialak).
 

BELIZE

Hizkuntzak: ingeles (ofiziala), gaztelania, maia (yucatec eta mopan hizkuntzetan mintzatzen dira), garifuna, ingeles kreolera.
Biztanleak: 324.00 lagun (NBE, 2012). Mestizo (espainol-indiar, %48,7), kreole (afro-europar, %24,9), maia (%10,6), garifuna (afro-amerindiar, %6,1), beste (%9,7; zuri, hindu, txinatar...).
Erlijioak: katoliko (%49,6), protestante (%27; mendekoste %7,4, anglikano %5,3, zazpigarren eguneko adbentista %5,2, menotar %4,1, metodista %3,5, Jehovaren lekuko %1,5), beste (%14), sinesgabe (%9,4).
 

BENIN

Hizkuntzak: frantses (ofiziala), fonera, jorubera, beste zenbait triburen mintzairak (adjera, dendiera... ).
Biztanleak: 9,4 milioi (NBE, 2012). Afrikar (%99; 42 etnia daude Beninen, eta hauek dira garrantzitsuenak: fon, adja, joruba, bariba, dendi); europar (5.500).
Erlijioak: sinesmen tradizional (%50), kristau (%30), musulman (%20).
Transkripzioak: Beningo izen bereziak frantsesezko eran daude zabalduak.
 

Bermuda

Hizkuntzak: ingeles (ofiziala), portuges.
Biztanleak: 64.900 lagun (NBE, 2012). Beltz (%54,8), zuri (%34,1), mestizo (%6,4), beste (%4,3), zehaztugabe (%0,4)
Erlijioak: anglikano (%23), katoliko (%15), afrikar metodista (%11), bestelako protestante (%18), beste (%19), sinesgabe (%14).
Jakingarriak: lurralde britainiarra da Atlantikoko uharte hau.
 

BHUTAN

Hizkuntzak: dzongkha (tibeteraren dialektoa). Tibeteraren dialektoak (bhutia etniakoek erabiltzen dituzte), nepaleraren dialektoak (nepaldarrek erabiltzen dituzte).
Biztanleak: 750.000 lagun (NBE, 2012). Bhutia (%50), nepaldar (%35), beste tribu batzuk (%15).
Erlijioak: budista (%75), hindu (%25).
 

BIELORRUSIA

Hizkuntzak: bielorrusiera eta errusiera (ofizialak), ukrainera, poloniera.
Biztanleak: 9,5 milioi (2019). Bielorrusiar (%81,2), errusiar (%11,4), poloniar (%3,9), ukrainar (%2,4), beste (%1,1).
Erlijioak: Ekialdeko ortodoxo (%80), beste (%20, tartean katoliko, protestante, judu, musulman).
Transkripzioak: izen bereziak idazteko, ikus zirilikotik transkribatzeko taula. Independentzia lortuz geroztik, bielorrusierazko izen ofizialak berreskuratu zituzten, alfabeto ziriliko bielorrusiarrean idatzita.
 

Birjina Uharte Amerikarrak

Hizkuntzak: ingeles (ofiziala; %74,7), espainiera edo espainiar kreolera (%16,8), frantses edo frantses kreolera (%6,6), beste (%1,9).
Biztanleak: 109.750 lagun (2010). Beltz (%76,2), zuri (%13,1), asiar (%1,1), beste (%6,1), mestizo (%3,5).
Erlijioak: protestante (%59), katoliko (%34), beste (7).
Jakingarriak: Karibeko kolonia estatubatuarra. Nazioarteko kirol ekitaldietan Birjina Uharteetako taldeak daudenean, uharte hauetakoak izaten dira, ez britainiarretakoak.
 

Birjina Uharte Britainiarrak

Hizkuntzak: ingeles (ofiziala).
Biztanleak: 22.200 lagun (NBE, 2006). Beltz (%83), zuri, indiar, asiar eta mestizo.
Erlijioak: protestante (%86; metodista %33, anglikano %17, Jainkoaren Eliza %9, zazpigarren eguneko adbentista %6, baptista %4, Jehovaren lekuko %2, beste %15), katoliko (%10), sinesgabe (%2), beste (%2).
Jakingarriak: Karibeko kolonia britainiarra.
 

Birjina Uharteak

Jakingarriak: Ikus Birjina Uharte Britainiarrak eta Birjina Uharte Amerikarrak.
 

BOLI KOSTA

Hizkuntzak: frantses (ofiziala), bertako 60 hizkuntza inguru: diula (hedatuena), beteera, dida, gurera, nyabwa, we edo guere, mendebaldeko kranhera, akanera...
Biztanleak: 20,6 milioi (NBE, 2012). Akan (%42,1; horien artean, baule %15-20), gur (%17,6), iparraldeko mande (%16,5), krou (%11; horien artean, bete etniakoak dira nagusi), hegoaldeko mande (%10), Afrikako beste herrialdeetako batzuk (burkinafasoar, ghanar, ginear, maliar, nigeriar... 5 milioi inguru), libanoar (130.000), frantziar (14.000).
Erlijioak: musulman (%35-40), kristau (%20-30), sinesmen tradizional (%25-40).
 

BOLIVIA

Hizkuntzak: gaztelania, kitxua, aimara, guaraniera eta beste 33 hizkuntza dira ofizialak; gaztelania da 'de facto' administrazioko hizkuntza.
Biztanleak: 10,2 milioi (NBE, 2012). Kitxua (%30), mestizo (zuri-amerindiar, %30), aimara (%25), zuri (%12), eta zenbait herri indiar (chiquitano, guarani...).
Erlijioak: katoliko (%95), protestante (%5).
 

BOSNIA ETA HERZEGOVINA

Hizkuntzak: bosniera, kroaziera, serbiera (ofiziala; hizkuntza bakarra da, baina hiru izen horiek hartzen ditu serbokroazierak Bosnia eta Herzegovinan).
Biztanleak: 3,7 milioi (NBE, 2012). Bosniak (%48, hegoaldeko eslaviar musulmanei deitzen zaie), serbiar (%37,1), kroaziar (%14,3), beste (%0,6).
Erlijioak: musulman (%40), ortodoxo (%31), katoliko (%15), beste (%14).
Jakingarriak: Bosnia eta Herzegovina da estatu honen izen ofiziala, baina Bosnia ere erabil liteke, besterik gabe. Daytongo Akordioari jarraikiz (1995-12-14), bi entitate konfederatutan banatu zuten: Bosnia eta Herzegovinako Federazioan (Federazio Kroaziar-Musulmana ere deitzen diote, eta lurraldearen %51 inguru hartzen du) eta Bosniako Serbiar Errepublikan (lurraldearen %49 inguru hartzen du, eta herrialdeko biztanleen %40 inguru; ingelesez, Republic of Srpska).
 

BOTSWANA

Hizkuntzak: ingeles (ofiziala, %2,1), tswanera (hizkuntza ofiziala eta nazionala, %78,2), kalangera (%7,9), kgalagadiera (%2,8), beste (%8,6), zehaztugabe (%0,4).
Biztanleak: 2 milioi (NBE, 2012). Tswana (edo setswana, %79), kalanga (%11), boskimano (%3; basarwa deitzen diete, gutxiesteko), beste (%7; horien artean, kgalagadi eta zuri).
Erlijioak: kristau (%71,6), badimo (%6), beste (%1,4), zehaztugabe (%0,4), sinesgabe (%20,6).
 

BRASIL

Hizkuntzak: portuges (ofiziala), espainiera, ingeles, frantses, hainbat hizkuntza indiar (guaraniera, kaingang, nadeb, caraja, karibeera, tukano, arara, terena, bororo, apalai, canela). Asko, galtzeko arriskuan. Zenbait hizkuntza indiarrek koofizial estatusa lortu dute 2003. urtean: nheengatu, tukano eta baniwa.
Biztanleak: 198,3 milioi (NBE, 2012). Zuri (%53,7; tartean portuges, aleman, italiar, espainiar eta poloniar), mulato (%38,5; beltz-zuri nahasketa), beltz (%6,2), asiar (%0,5), amerindiar (%0,4; dozenaka herri, asko eta asko desagertzeko zorian), zehaztugabe (%0,7).
Erlijioak: katoliko (%73,6), protestante (%15,4), espiritualista (%1,3), budu (%0,3), beste (%1,8), zehaztugabe (%0,2), sinesgabe (%7,4).
 

Bretainia

Hizkuntzak: frantsesa (ofiziala), bretoiera (500.000 lagun inguru mintzo dira bretoieraz) eta galiera.
Biztanleak: 4,4 milioi; eskualde administratiboan, 3,2 milioi.
Jakingarriak: bretoieraz, Breizh esaten diote herrialdeari, eta brezhoneg hizkuntzari. Parisek Bretainia eskualdetik kanpo utzi du Bretainia historikoaren parte handi bat, Loirerria eskualdeko Loira Atlantikoa departamendua, hain zuzen. Han dago Naoned hiria (Nantes), Bretainiako Dukerria izan zenaren hiriburu zaharra. Horiek guztiak Bretainiaren parte dira, eta hala izango dugu kontuan BERRIAn.
Transkripzioak: Bretainiako leku izenak bretoieraz emango ditugu (departamenduenak salbu), eta parentesi artean jarriko dugu frantsesezko izena.
 

BRUNEI

Hizkuntzak: malaysiera eta ingeles (ofizialak), txinera, ibanera eta herri indigenen zenbait mintzaira.
Biztanleak: 413.000 lagun (NBE, 2012). Malaiar (%67), txinatar (%15), indigenak (%6), beste (%12).
Erlijioak: musulman (ofiziala, %67), budista (%13), kristau (%10), sinesmen tradizional eta beste (%10).
 

BULGARIA

Hizkuntzak: bulgariera (ofiziala, %84,5), turkiera (%9,6), erromani (%4,1), beste eta zehaztugabe (%1,8; tartean, talde etnikoen mintzairak: armeniera, mazedoniera, tatarera, txerkesera).
Biztanleak: 7,4 milioi (NBE, 2012). Bulgariar (%83,9), turkiar (%9,4), ijito (%4,7), beste (%2; mazedoniar, armeniar, tatar, txerkes).
Erlijioak: bulgariar ortodoxo (%82,6), musulman (%12,2, horien artean pomak-ak daude, bulgariar musulmanak), katoliko (%0,6), protestante (%0,5), sinesgabe eta beste (%4,1).
Transkripzioak: izen bereziak idazteko, ikus zirilikotik transkribatzeko taula.
 

Buriatia

Hizkuntzak: buriatera, errusiera (ofizialak). Gutxiengo etnikoen mintzairak.
Biztanleak: 981.238 lagun. Buriata (%23), errusiar (%69,9), ukrainar (%2,2), tatar (%1), bielorrusiar (%0,5).
Erlijioak: buriatak nagusiki budistak dira. Xamanistak badira Buriatian, eta kristau ortodoxoak ere bai.
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

BURKINA FASO

Hizkuntzak: frantses (ofiziala), more, fula (fulaera, fulani, peul, pulaar eta fulfulde izenak ere hartzen ditu, baina BERRIAk fula erabiliko du), diula, gurma, mandeera...
Biztanleak: 17,4 milioi (NBE, 2012). Mossi (%40 inguru), gurunsi, senufo, lobi, bobo, mande, fula.
Erlijioak: musulman (%50), sinesmen tradizional (%40), kristau (%10, katolikoak nagusiki).
 

Burma

Jakingarriak: Ikus Myanmar.
 

BURUNDI

Hizkuntzak: frantses, kirundi eta ingeles (ofizialak), swahili.
Biztanleak: 8,7 milioi (NBE, 2012). Hutu (%85), tutsi (%14), twa (%1), europar (3.000), Asia hegoaldeko (2.000).
Erlijioak: katoliko (%62), protestante (%5), sinesmen tradizional (%23), musulman (%10).