Albistea entzun

espainiako kongresua

HBk egin ez zuen hitzaldia

Aljerko elkarrizketen bukaeraren eta Josu Muguruzaren hilketaren ostean, "bakearen" eta "konponbidearen" aldeko mezua ematekoa zen Herri Batasuna Kongresuan, atzo 25 urte, baina mahaiburuak ez zion Angel Alcalderi hitz egiten utzi (hitzaldiko testua).

Angel Alcalde, duela lau urte, Bilbon, Santi Broaurd eta Josu Muguruzaren aldeko omenaldian.
Angel Alcalde, duela lau urte, Bilbon, Santi Broaurd eta Josu Muguruzaren aldeko omenaldian. / Luis Jauregialtzo/Argazki Press

Enekoitz Esnaola -

2014ko abenduak 4 11:32

1989ko azaroaren 20an Josu Muguruza HBko diputatu hautatu berria Madrilen tiroz hil ondoren, HBko diputatuek abenduaren 4rako utzi zuten kargu hartzea —azaroaren 21ean ziren hartzekoak—. Abenduaren 4an zen Felipe Gonzalezen (PSOE) presidente inbestidura saioa, eta Muguruzaren ordezkoa zen Herri Batasunetik hitzaldia egitekoa: Angel Alcalde, espetxetik irten berritan. Baina Felix Pons Kongresuko Mahaiko buruak ez zion utzi, Jon Idigoras, Itziar Aizpurua eta hirurak hemiziklotik kanporatu egin zituelako "legeak hala aginduta, zin egiten dut" formula erabili zutela medio —Iñaki Esnaola ezin izan zen saioan egon, bi aste lehenagoko atentatutik osatzen ari zelako—.

Bakearen aldeko mezua eman nahi zuen HBk, prestatua zuen idatzian irakur daitekeenez: "Konponbide politikoa bilatzeko mezu bat aurkeztu nahi dugu", "ETA eta estatuaren arteko elkarrizketa prozesua sustatuko dugu", "bakea nahi dugu". Espainiako Gobernuaren eta ETAren arteko Aljerko elkarrizketa saioa urte hartako apirilean bukatu zen, eta ezker abertzaleak berriro heldu nahi zion, "konponbide politiko negoziatua" zuela xede.

Halaber, Alcalde azaroaren 20ko atentatua "estatu krimena" izan zela berrestekoa zen Kongresuko hitzaldian, eta "borroka politiko justu eta demokratikoa" segituko zutela hitzematekoa.

Alcaldek berak joan den azaroaren 15ean BERRIAko elkarrizketan honela gogoratu zuen 1989ko abenduaren 4ko egun hura:

"Hegazkinez joan ginen Madrilera Jon Idigoras, Itziar Aizpurua eta hirurok. Konstituzioaren zina egitean orduan erabili genuen lehen aldiz 'legeak hala aginduta'. Bi aste lehenago Muguruzak-eta modu hura erabili behar zuten. Iskanbila sortu zen: Kongresuko presidente Felix Ponsek ez zuen onartu formula; HBkook kanporatu egin gintuen, eta saioa eten zuen. Hemizikloa uztean —neu nintzen hiruron artean azkena—, eskaileratan beheraino jaitsi eta gobernukoak egoten diren aulki urdinen parean geratu egin nintzen, Felipe Gonzalez presidentearen eta ministroen aurrean, isilik, baina begiradarekin egoera salatuz. Segundo bakar batzuk izan ziren, baina ez ahaztekoak".

"Ez ziguten utzi Kongresuan elkarrizketaren mezua ematen, eta [ihes egin ondoren] Bruselako eta Parisko agerraldiak baliatu nituen ezker abertzalearen eskaintza zabaltzeko: gure herriari autodeterminazio eskubidea dagokiola, presoen egoera amaitu beharra zegoela, eta horretarako guztirako prest ginela hitz egiteko". 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Senpereko herrriko etxeko oposizioak ere dimititu egin du

Senpereko herrriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.
Maria Txibite Nafarroako lehendakaria. ©VILLAR LOPEZ / EFE

Foru Hobekuntza: osatu edo berritu

Jon O. Urain

Txibitek uste du ez dela garaia Nafarroako Foru Hobekuntza moldatzeko, hura «garatzeko» baizik. Barkosek dio legea «bete gabe» dagoela eta «itun politiko berri bat» beharrezkoa dela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...