Albistea entzun

Telebista

ETB Nafarroan ikustearen aldeko mozioa onartu du Parlamentuak

Nafarroako Parlamentuko Kultura, Turismo eta Erakundeekiko Harremanen batzordeak bi puntuko agiria onartu du, Foru Gobernuari eskatzeko aukera emateko nafarrei ETB ikusteko Lurrezko Telebista Digitalaren bidez.

Edu Lartzanguren -

2014ko abenduak 16 16:41

Altsasuko (Nafarroa) herritar talde baten ekimena da mozioa, eta ETB ikusi nahi dugu lelopean bultzatu zuten parlamentuko taldeen artean. PSNren, Bilduren, Aralar-NaBairen, Izquierda-Ezkerraren eta Geroa Bairen sostenguarekin eraman dute agiria Parlamentura.


Mozioak bi puntu ditu. Lehenak dio: «Nafarroako Parlamentuak Gobernua premiatzen du, ETB Nafarroa guztian ikusteko bide berriak urratzera». Aho batez onartu dute talde guztiek lehen puntu hori, baita UPN eta PPk ere.


Bigarren puntuak, berriz, eztabaida sortu du. Nafarroako Gobernuari ETB Nafarroan lehenbailehen ikusteko formulak bila ditzan eskatzen dio, «esaterako, egungo ETBren sare analogikoa digitalizatuz edo bestelako neurriekin». UPNk eta PPk «legearen barruan» esaldia gehitu nahi izan diote puntuari, baina ez dute lortu. Azkenean, UPNk eta PPk kontra bozkatu dute, baina beste taldeen zazpina bozekin berdintuta, boto ponderatuz nagusitu da mozioa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...