Albistea entzun

Zer da mendiko gaitza?

 

Berria -

2015eko urtarrilak 4

Fernando Osaren gorpuari autopsia egin dioten auzitegi medikuek ondorioztatu dute ziurrenik mendiko gaitzak eragindako biriketako edema baten ondorioz hil zela euskal mendizalea.

Buruko mina, arnasestua, goragalea, itolarria, mugimenduak koordinatzeko zailtasunak, digestio arazoak... garaiera batetik gora mendizale askok sentitutakoa da, mendiko gaitzaren ondorioak. Gorputzak garaieraren ondorioz jasotzen duen oxigeno eskasera egokitzeko eta moldatzeko zailtasunak dituenean agertu ohi da mendiko gaitza.

2.500 metrotik gorako garaieran has daiteke gaitza antzematen, eta handik gora egin ahala handiagoa da oxigeno gabezia. 5.000 metrotan, adibidez, itsas mailako oxigeno kopuruaren erdia dago, eta %30era jaisten da O2 kopurua 8.000 metrotik gorako garaieran. Buruko nahiz biriketako edemak dira arazo larrienak, eta garaiera gaitza izaten da arazo horien lehenengo urratsa. Egoera horretan ahalik eta azkarren jeisten hastea ezinbestekoa du mendizaleak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...