Albistea entzun

Katalunia

Hauteskunde zerrenden osaerak berriro liskartu ditu Mas eta ERC

Artur Mas Kataluniako presidenteak hiru aukera jarri dizkio ERC alderdiari, bozak aurreratu eta hauteskunde plebiszitarioak egiteko. Alderdi errepublikanoak erantzun dio hautagaitza bereiziak aurkeztu eta gizarte zibilaren ordezkari garrantzitsuenak Masen zerrendan joatea onartzen duela, baina bere zerrendan ere independenteei lekua eginez gero. Oriol Junquerasek bere proposamena "desitxuratu" eta akordio baten gisan aurkeztu izana gaitzetsi du gero Masek.

Berria.eus -

2015eko urtarrilak 9 10:43

Datorren astea amaitu arteko epea jarri zion Artur Mas Kataluniako presidenteak bere buruari, ERCrekin akordiorik izan edo ez, burujabetza prozesua bideratzeko. Eta atzo hiru aukera biltzen dituen proposamen bat helarazi zion gutunez Oriol Junqueras ERCko presidenteari: Kataluniako Legebiltzarrak konstituzio proposamen bat landu eta, hori amaitu artean, legegintzaldiari eustea; independentziaren aldeko indar guztiak bilduko dituen hautagaitza bakar bat osatu eta hauteskunde plebiszitarioetara deitzea; eta independentziaren aldeko aterkiaren pean hautagaitza bat baino gehiago aurkeztea, baina gizarte zibilaren ordezkariak Masen zerrendan bilduta.

ERCk hirugarren aukera hori ontzat jotzen duela erantzun dio du, baina berak ere bere zerrendan hautagai independenteak sartzeko eskubidea defenditu du. Abenduaren 27an ANC Biltzar Nazional Katalaneko, Omnium Culturaleko eta AMI Independentziaren aldeko Udalerrien Elkarteko ordezkariekin bildu ziren Mas eta Junqueras, eta bilera horretan jarri zuten mahai gainean burujabetzaren aldeko hiru elkarte zibilen ordezkariek hautagaitza bakarra beharrean (Masek nahi zuen gisan) bat baino gehiago aurkezteko aukera (Junquerasek nahi zuen gisan), baina gizarte zibilaren ordezkari garrantzitsuenak CDC alderdiak eta Kataluniako presidenteak sustatutako zerrendan bilduta.

ERCk onartu duena, Marta Rovira alderdi errepublikarreko idazkari nagusiak jakinarazi duenez, gizarte zibilaren ordezkariengatik ez lehiatzea da. Masek lehentasuna izatea, nolabait, bere zerrenda osatzeko, eta horren ondoren ERCk beste hautagai independente batzuekin osatzea bere hautagaitza..

Gogor erantzun dio Masek Junquerasi: bere proposamena "desitxuratu" eta akordio bat izango balitz bezala aurkeztea leporatu dio ERCko presidenteari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek lau palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...