Albistea entzun

Parisko atentatuak

Yemengo Al-Qaedak bere gain hartu du 'Charlie Hebdo'-ren aurkako erasoa

"Parisko zorioneko inbasioa" Arabiako Penintsulako Al-Qaedak planifikatu eta finantzatu zuela baieztatu du Nasr bin Ali al-Anesi xekeak Al-Malahem Media webgunean, eta Kouachi anaiak zoriondu ditu.

Yemendar bat, telebistari begira, saio batean aldarrikapenaz ari direla. /
Yemendar bat, telebistari begira, saio batean aldarrikapenaz ari direla. / Yahya Arhab/Efe

Berria.eus -

2015eko urtarrilak 14

Charlie Hebdo astekari satirikoaren kontrako erasoa "Alak aukeratutako profeta iraindu dutenen aurkako mendekua" izan dela adierazi du AQAP Arabiako Penintsulako Al-Qaedaren buruzagi militar eta ohiko bozeramaile Nasr bin Ali al-Anesi xekeak. Al-Malahem Media webgunearen bidez zabaldutako 11 minutuko bideo batean, "Parisko zorioneko inbasioa" Yemenen egoitza duen Al-Qaedaren sailak planifikatu eta finantzatu zuela baieztatu du Al-Ansik, eta Said eta Cherif Kouachi anaiak zoriondu ditu. Bien irudiak ageri dira xekearen atzeko bideo muntatze batean, Mahomaren irudiak argitaratzeagatik herrialde musulmanetan egin diren protestez eta Irailaren 11ko erasoen eta Afrikan Frantziaren esku hartzearekin egin diren operazioen irudiez gain. "Sinesgabeak shock egoeran daude", dio Al-Ansik, iragan asteko atentatuen kontra Parisen eginiko protesten irudiak ateratzen diren unean: "Parisen, New Yorken, Washingtonen, Londresen nahiz Espainian, haien zauriak oraindik ez dira osatu".

Kouachi anaiek Yemengo Al-Qaedaren izenean ari zirela esan zuten Charlie Hebdo-ren egoitzan erasoa egin zutenean. Amedy Coulibalyk, aldiz, hurrengo egunean ustez udaltzain bat hil eta koxer janari denda judu batean hainbat bahiturekin gotortu eta haietarik lau hil zituen ekintzaileak, Estatu Islamikoko kidetzat jo zuen bere burua, eta Iraken eta Sirian kaliferri bat eratu duen taldearen bandera batekin agertu zen erasoa bere gain hartzeko bideo batean. Charlie Hebdo-ren kontrako atentatua eta Coulaby "anaia mujahidinaren operazioa" aldi berean gertatzea "Alaren nahia" izan zela adierazi du AQAPen bozeramaileak, bi ekintzak lotuta zeudela ukatuz. Gotortuta zeuden eraikinak hartzeko polizia operazioan hil zituzten hiru ekintzaileak. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©DANI CODINA

«Ikasleen %100 atzerritarrak direnean, integrazioa ezinezkoa da»

Irati Urdalleta Lete

Katalunian, duela bi urtetik indarrean dago Eskola Segregazioaren Aurkako Ituna. Besaluk uste du orain dela garaia balio al duen ikusteko.
AEBetako Estatu idazkari Antony Blinken eta Errusiako Atzerri ministro Sergei Lavrov, atzo, Genevan. ©MARTIAL TREZZINI / EFE

Errusiak AEBei eskatu die NATO 1997ko mugetara erretiratzeko

Arantxa Elizegi Egilegor

Moskuk ukatu du Ukrainaren aurka jotzeko asmoa izatea. Washingtonek iragarri du datorren astean erantzungo diela Kremlinen galderei, baina urratsak egiteko eskatu dio Putinen gobernuari
 ©NOS DIARIO

«Legez kanporatzen bagaituzte, politikoki erantzungo dugu»

Gorka Berasategi Otamendi

Espainiako justiziak Izca legez kanporatzeko auziarekin segitzea erabaki zuen, Estatuaren Abokatutzaren eta fiskaltzaren iritziaren kontra. Soilik «jarrera demokratiko faltak» azaldu dezake egoera, eledunaren ustez.
Bi emakume eta bi haur, joan den abenduan, Kabulgo ospitale batean. ©MONCHO TORRES / EFE

Norvegia eta «herrialde aliatuak» talibanekin batzartuko dira, Oslon

Igor Susaeta

Norvegiak uste du afganiarrei laguntzeko ezinbestekoa dela nazioartea muturreko islamistekin hizketan hastea. Bihartik asteartera bilduko dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.