Albistea entzun

'Cabacas auzia'

Ia hiru urteren ondoren, 'Cabacas auzia' behingoagatik argitzeko eskatu dute

Bi ertzainek deklaratu dute gaur Bilboko epaitegian. Horietako batek ertzainei armak banatu, kontrolatu eta jasotzeko ardura zuen, eta, abokatuaren hitzetan, zenbait ilungune argitu ditzakete haren azalpenek. Iñigo Gogoan ekimenak protesta egin du auzitegiaren kanpoan.

Epaitegiaren atarian gaur egin duten elkarretaratzea./
Epaitegiaren atarian gaur egin duten elkarretaratzea./ Argazki Press

Aitziber Laskibar Lizarribar -

2015eko otsailak 12 11:24

Ertzaintzak jaurtitako gomazko pilota batek 2012ko apirilean hil zuen Iñigo Cabacas Athleticen zalea. Gutxi falta da hirugarren urteurrena betetzeko, eta auzia epaitegietan dago oraindik. Ez hori bakarrik; instrukzio fasea ez da oraindik amaitu.

Gertaerak ikertu eta frogak biltzeko lehen fase horren barruan, bi ertzainek deklaratu dute gaur Bilboko Epaitegian, eta horietako baten azalpenei berebiziko garrantzia eman die Jone Goirizelaia abokatuak.

Oraindik argitu gabe dago gau hartan Ertzaintzak zenbat pilota jaurti zituen eta ertzain bakoitzak zein lan egin zuen. Polizien armak kontrolatzeko lana zuen ertzaina da gaur deklaratu duenetako bat. Ertzain bakoitzak zein eskopeta zuen jasota behar luke, eta bakoitzak zenbat pilota jaurti zituen ere bai, besteak beste. Hori argituta, ertzainen eta Segurtasun Sailaren azalpenak kolokan gera daitezke.

Ertzainen deklarazioen harira, Iñigo Gogoan herri ekinbideak elkarretaratzea egin du epaitegiaren kanpoaldean. Bertan izan dira Cabacasen lagunak eta gurasoak, besteak beste. Auziaren geldotasuna salatu dute bai abokatuak eta bai lagunek, eta auzia behingoagatik argitzeko eskatu dute. Gurasoek lasaitua behar dutela ohartarazi dute.

Espainiako bi poliziak deklaratuko dute bihar; gertaerak berregin zituzten polizietako bik. Duela bi urte egindako froga berresteko deitu ditu epaileak, batez ere Cabacas hil zuen pilota zein distantziatatik jaurti zen baieztatzeko.
 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miren Larrion 2019. urtean, Gasteizen, hango udalerako alkategaia zenean. ©Endika Portillo / Foku

Miren Larrion: «Ez naiz ezkutatuko, eta ez naiz geratuko burua altxatu gabe»

Paulo Ostolaza

Dimisioa aurkeztu zuenetik lehen aldiz hitz egin du Gasteizko Udaleko EH Bilduren eledun ohiak, Euskadi Irratian. Oso egoera gogorra bizi izan zuela azpimarratu du, eta horrek eraman zuela kide baten izenean bankuan kontu bat irekitzera.

Markel Olano, legealdi honetako politika orokorreko azken bilkuraren hasieran. ©Andoni Canalleda / FOKU

230 milioi euroko kostua izango dute Gipuzkoako bide azpiegiturak berritzeko lanek

Iñaut Matauko Rada

Markel Olano Gipuzkoako ahaldun nagusiak hasiera eman dio legealdi honen politika orokorreko azken bilkurari. Adierazi duenez, pandemiaren eta Ukrainako inbasioaren ondorioek mugatzen dituzte gaur egungo politikak hein handi batean.

Unai Rementeriagaur, Gernikako juntetxean. ©Jaizki Fontaneda / Foku

Bilboko metroko lehen eta bigarren linea lotuko dituzte, itsasadarraren azpiko tunel batekin

Berria

Unai Rementeria Bizkaiko Ahaldun Nagusiak iragarri du, politika orokorrari buruzko bilkuran, Gernikan.

Zarauzko lore eskaintza. ©G. RUBIO / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.