Albistea entzun

Atxiloketak

Ukrainako gatazkan parte hartzeagatik lagun bat atxilotu dute Nafarroan

Atzerrian Espainiaren interesen kontra aritzea leporatu diote polizia iturriek. Beste zazpi lagun atxilotu dituzte Espainian eta Katalunian.

Berria.eus -

2015eko otsailak 27 12:17

Guztira, zortzi lagun atxilotu ditu Espainiako Poliziak gaur goizean Espainian, Katalunian eta Euskal Herrian. Lehergailuak eta armak edukitzea eta atzerrian Espainiaren interesen kontrako ekintzetan eta hilketetan parte hartzea leporatuta atxilotu dituzte. Atxilotuek Ukrainako gatazkan parte hartu dutela zabaldu dute polizia iturriek.

Iruñeko Arrosadia auzoan, gazte bat atxilotu dute. Ez da zabaldu bere nortasuna. Espainiako Poliziak aldez aurretik komunikabide jakin batzuei abisatu die, eta bertan kazetari batek ateratako argazkiaren arabera, Arrosadia auzoko Blas Laserna kale inguruan.

Auzitegi Nazionaleko Lehen Instrukzio epaitegiko Santiago Pedraz magistratuaren aginduz egin da operazioa. Hainbat komunikabideren arabera, ikerketan poliziek sare sozialetan atxilotuek zabaldutako irudiak ikertu dituzte. Barne ministerioak, "Espainiako erreinuaren atzerriko interesen aurka eraso egitea" eta Ukrainiako gatazkan Espainiaren neutraltasuna urratzea leporatzen diete.

Operazioak zabalik jarraitzen du. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.