Albistea entzun

Antzerkia

Eguna gaua denean

Larunbatean estreinatuko dute Gau arabiarra antzezlana, Hika, Kabia Teatroa eta Pabiloi 6ren eskutik, Donostian.

'Gau arabiarra' antzezlanaren entsegu bat.
'Gau arabiarra' antzezlanaren entsegu bat. Berria

Saioa Alkaiza -

2015eko martxoak 4

Ametsen mundua eta errealitatea nahastuko ditu Roland Schimmelpfenningek idatzitako eta Agurtzane Intxaurragak, Borja Ruizek eta Laia Ricartek zuzenduriko obrak.

Eraikin bat du oinarri Gau Arabiarra-k; eraikin bat eta bertan bizi diren bost lagunen istorioak. Ez dira, aitzitik, kontakizun errealistak edota lauak, "magiaz" beterikoak baizik. "Iraganaz, bizitakoaz, arbasoez, pertsonaiek bizitzan izaten dituzten eraldaketez, oroimen primitiboaz zein gizakiaren sinesmenetaz hitz egingo du". Horrela definitu dute lana. Eta definizioa borobildu du Intxaurragak: "Mestizajearen antzerkia da. Ikuskizun bitxia. Egileak dramaturgia berezi bat egin du".

Ezaguna da taularatuko duten emankizuna; izan ere, Schimmelpfenningen lana 22 hizkuntzatara itzuli da. Gaztelerazko bertsioa, La noche árabe, orain gutxi aurkeztu dute Bilbon hiru konpainiek, eta harrera oso ona izan duela nabarmendu dute. Sei asteburutan hamalau emanaldi eman dituzte, eta 1.400 ikusle bertaratu dira.

Horregatik, euskarazkoak ere arrakasta izatea espero dute. Nolanahi ere, bada aldaketarik batetik bestera: antzezle taldea ezberdina da. Euskarazkoa Kandido Urangak, Ramon Agirrek, Ainhoa Aierbek, Martxelo Rubiok eta Ane Pikazak [gaztelerakoan ere parte hartu du] osatzen dute. Bestalde, musika girotzea Iker Bergararen eskutik egingo dute.

Obra konplexua

"Nola demonio egingo dugu obra hau?". Galdera hori iltzatu zitzaion hasieratik Intxaurragari buruan, Gau arabiarra-ren zailtasuna dela eta. Baina asmatu egin du. Hala ere, oholtzan ematea "erronka handia da". Hori dela eta, funtsezkoa izan da antzezleen egitekoa. Hala nabarmendu du Martxelo Rubiok: "Ia-ia zirujau baten prezisioa behar izan dugu".

Erronkak erronka, kontent daude emaitzarekin. "Sekulako ikuskizuna da. Eskarmentuz diot. Uste dut bagarela nor halako zerbait esateko, nahiz eta barruan egon", esan du Kandido Urangak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Beyonce, kontzertu batean. ©Andreu Dalmau / EFE

Inoiz sari gehien irabazitako artista bilakatu da Beyonce

Berria

Los Angelesen banatu dituzte bart musikaren sariak. Harry Styles abeslariak urteko diskoaren saria eraman du

Nerea Garmendia ETB2ko 'Gente seria' bakarrizketa saioan. ©EITB

«Betidanik eduki izan dut umorea presente; zoriontsu egiten nau»

Kerman Garralda Zubimendi - Gipuzkoako Hitza

Aktore lanetan hasi zen Nerea Garmendia, baina interpretazio munduko beste adar batzuetara egin du jauzi: aurkezle, bakarrizketalari... «Guztietan gozatzen dut». Era batera edo bestera, ikusleen irribarrea du xede.

 ©JOSEPH PHILLIPS

Dantzaren sektoreko profesionalen prekaritatea, agerian

Ainhoa Sarasola

Dantzaren sektoreko profesionalen prekaritatea agerian jarri du ikerketa batek. Aldizkakotasun handia, ordain apalak eta beste lan batzuetan jardun beharra nabarmentzen dira, besteak beste, datuen artean. Aurrera egiteko bide malkarra azaldu dute profil desberdineko hiru dantzarik.

2023ko Bertsolari Txapelketa Nagusia, Iruñeko Nafarroa Arenan. ©IÑIGO URIZ/ FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.