Noiz sortua: 2015-03-28 19:06:51

"Buka dezagun behingoz sakabanaketa eta eskubideen urraketa"

 

Berria -

2015eko martxoak 28

Manifestazioaren aurretik hitz egin dute protestara deitu duten 18 eragileetako batzuen ordezkariek:

Maider Alustiza (Etxerat)
“Berriz ere Espainiaren mendeku gosea salatzeko gaude hemen. Oraingoan, osasun eskubideari egin diote eraso, eta gainera, senideei. Gure lana publikoa eta gardena da. Guk, gure senideen eskubide urraketen berri ematen dugu, hori salatzen dugu, eta hori egitea ez da delitua. Sakabanaketa behin betiko bukatu behar dugu, eta hori lortzeko gizarteari eta gizarteko ordezkari politikoei dei egiten diegu. Bukatu dezagun behingoz sakabanaketa eta eskubideen urraketa”.

Idoia Ibero (Sare)
“Erabat onartezina eta justifikaezina izan da polizia operazioa. Atxilotuen eskubideak urratu dira, eta, gainera, presoen osasun eskubidea ere bai. Finean, pertsona ororen eskubideak. Honen aurrean ezinbestekoa da norbanako bakoitzaren atxikimenduarekin osatuko den babes sarea ehuntzea”.

Amaia Muñoa (ELA)
“Jokabide guztiz antidemokratikoa izan da, baina, tamalez, ez da lehen aldia; ohituta gaude. Berriz ere lan politiko hutsa egiteagatik atxilotu dute jendea, eta inkulpatu. Horrek, oso argi erakusten du Espainiako Estatuaren helburua: presoen artean ez egotea antolaketa kolektiborik. Presoen eskubideak defendatzeko, mobilizazioak areagotu egin behar ditugu”

Jabi Gernika (LAB)
“Operazio hau inflexio puntu bat da presoen gaian. Jada senide izateagatik soilik jomugan jarri baitituzte presoen senitartekoak. Hau onartezina da. Kalean era zabal batean eskatu da behin eta berriz presoen auzia konpontzeko, eta bada garaia arlo politikotik eta instituzioetatik kalean egin den eskaerari bide emateko”

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 30 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hamalau positibo daudela jakinarazi du Osasun Sailak, eta dagoeneko 707 PCRren emaitzak jaso dituzte. Beharrezkoa dela ikusiz gero «irmo» arituko direla ziurtatu du sailburuak. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu. Neurriak zorroztuko dituzte arratsaldean.

Testak egiteko asmoz Ordizian atzo ipinitako karpa. ©JON URBE / FOKU

«Nor ez da ibiltzen hor!»

Arantxa Iraola

Zazpi positibori atxikita, ostatu gune batean ibilitako herritarrei testak egin dizkie Osakidetzak: 900 PCR proba egin dituzte, eta negatibo eman dute lehen 91k. Boluntarioa izan da parte hartzea. Ordizia, Beasain eta Lazkaoko eguneko zentroak itxi egin dituzte, eta zahar etxeetan bisitak kendu dizkiete zazpi egunez. Eskualdeko beste zahar etxeetan, halaber, kalera irteteko aukerarik gabe utzi dituzte bertan bizi diren adinekoak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna