Oraingoz, ez dago Iñaki Reta eta Xabier Goienetxeari buruzko berririk.
Atzo, Parisera eraman zituzten astearte gauean atxilotu Iñaki Reta eta Xabier Goienetxea ustezko bi etakideak, haiek atxilotu zituzten Ortzaizeko etxearen jabe Jeff Mateo eta Terexa Lekunberri eta ostegun goizean atxilotu Graxi Etxebehere. Gaur iragatekoak ziren "terrorismoaren" aurkako epailearen aitzinetik.
Manifestaziorako deia
Gaur goizean, manifestaziora deitu du Ortzaizen sortu sustengu komiteak, Errepresiorik ez, konponbidea orain lelopean. Poliziak erabili bortizkeria salatu eta atxilotuak askatzea aldarrikatu dute, Ortzaizen, 600 bat etorriak zirela sostenguz.
Jojo Bidart kazetariak kazetari gisa salaketa jarriko duela iragarri du. Astearte gaueko polizia operazioaren harira, Poliziak tripan zauritu zuen gomazko pilota batekin. Haren gisara, erietxetik iragan diren beste hiru herritarrek ere salaketa jartzekoa dute, horiek hirurak ere Poliziak zaurituak.
