Albistea entzun

AUTOGOBERNUAREN AURKAKO ERASOAK

Autogobernu ekonomikoa, (hamaikagarrenez) jomugan

Itun ekonomikoa eta Kontzertuaren zilegitasuna defendatu du Espainiako Gobernuak. Kupoaren diru kopurua gaurkotzearen beharra azpimarratu dute egunotan PSOEko hainbat ordezkarik. PSCko Miquel Iceta izan da azkena.

Pedro Sanchez PSOEko idazkari nagusiaren adierazpen batzuek eragin dute Kontzertu ekonomikoari eta Itun ekonomikoari buruzko erreakzio sorta.
Pedro Sanchez PSOEko idazkari nagusiaren adierazpen batzuek eragin dute Kontzertu ekonomikoari eta Itun ekonomikoari buruzko erreakzio sorta. ESTEBAN COBO / EFE

Jon O. Urain -

2015eko urriak 9 12:49

Hego Euskal Herriko lau herrialdeek kupo bidez Espainiako Gobernuari ordaindu behar dioten diru kopuruaz eztabaida sortu da azken egunetan. 1981ean berrezarri zenetik, beti egon da eztabaida politikoaren erdigunean.

Ciudadanos alderdiak esana du bere nahia Araba, Bizkai eta Gipuzkoako Kontzertu ekonomikoa nahiz Nafarroako Itun ekonomikoa desagerraraztea dela, baina PSOEk ekin dio orain kupoaren inguruko eztabaidari. Egunotan kupoaren inguruan esandakoen bilduma da segidakoa:

Espainiako Gobernua (2015-10-08): "Itunak eta Kontzertuak beren eraginkortasuna frogatu dute, EAEk eta Nafarroak inoiz izan duten garapen eta aberastasun maila handiena emanaz".

Miquel Iceta (PSC, 2015-10-08): "Amildegi bat dago finantzaketa sistema komunak pertsona bakoitzeko ematen duen errendimenduaren eta EAE eta Nafarroako sistemek ematen dutenaren artean. Kupoa bai, kupoitzarrik ez".

Koldo Mediavilla (EAJ, 2015-10-06): Eztabaidaren erdian, kontzertua eta kupoa defendatu, eta kontuak eskatu dizkio EAJk PSEri. Kontzertu ekonomikoa "itun baten ondorio" dela adierazi zuen Mediavillak, eta horrek lotzen ditu euskal herritarrak eta Espainiako Estatua. "Azken lotunea da", erantsi zuen, "eta lotune hori apurtzen bada, aske gara denok".

Uxue Barkos (Nafarroako gobernuburua, 2015-10-05): "Elkartasun faltaz hitz egiten da, eta guztiz kontrakoa da. Itun batetik abiatzen den erraminta bat da, eta Itunaren kasuan Nafarroako autogobernuaren oinarria da".

Susana Diaz (Andaluziako gobernuburua, 2015-10-05): "Kontzertuan sartu gabe, argi dago [kupoa] modulatu egin behar dela, begien bistakoa baita beste erkidego batzuek baino diru gehiago jasotzen dutela zerbitzu publikoak ordaintzeko". Kupoa "modulatzearen" alde agertu zen Diaz.

Pedro Sanchez (PSOE, 2015-10-04): Sanchezen adierazpenek piztu zuten adierazpen soka. Kupoa "aldatzea eta eguneratzea" proposatu du, "baina auziaren muinean sartu gabe".

Ciudadanos: Alderdi horrek urrian zehar aurkeztuko du Espainiako Konstituzioa erreformatzeko proposamena, baina sareratua du estatuaren finantzaketa ereduari buruzko asmoak azaltzen dituen txosten bat. "Foru pribilegioak ezabatzea" proposatzen du, eta hori egin bitartean, Arabak, Bizkaiak, Gipuzkoak eta Nafarroak Espainiako ogasunari egiten dioten ekarpena "gradualki zuzentzea". Horretarako, Ciudadanosen arabera, ez da beharrezkoa Nafarroako Ituna eta EAEko Kontzertua moldatzea, eta bost urtero kupoaz egiten den neurketaren bidez egingo litzateke hori.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Juan Alberto Belloch, artxiboko irudi batean. ©Javier Cebollada / EFE

Juan Alberto Belloch: «Galindo, borrokalari antiterrorista moduan, onena zen»

Iosu Alberdi

Justizia eta Barne ministro ohiak adierazi du bera izan zela Galindori jeneral kargua ematea ahalbidetu zuena, nahiz eta jakin atxilotuak torturatzen zituela.

Eba Blanco (erdian), azaroko biltzarrean, idazkari nagusi izendatua izan ondoren. ©JAVIER ZORRILLA / EFE

EAren primarioak berriz egiteko aginduaren aurkako helegiteak aztertuko dituzte

Xabier Martin

Espainiako Auzitegi Gorenak tramiterako onartu du EAren eskaera, eta alderdiaren primarioak berriz egiteko agindu zuen probintzia auzitegiaren epaia balekoa den ala ez erabakiko du.

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.