Albistea entzun

'Herri libreen martxa'

Herriak zapaltzeagatik 'zigortu' dute Espainia

Jendetza batu da Iruñeko Antoniutti parkean Askapenako kide izateagatik heldu den astean epaituko dituzten bost lagunekiko elkartasunez. Mobilizazioa bukatu ostean, Iruñeko Alde Zaharrean jarraituko dute festarekin.

Herri libreen martxa

Asier Garcia Uribarri -

2015eko urriak 12 07:20

Espainia epaitu dute. Iruñeko Antoniutti parkean egin dute 'herri epaiketa'. Azken hilabeteetan antzeko ekinbideak egin ditu Euskal Herrian eta atzerrian Herriak Libre dinamikak. Akusazioak entzun ostean, hasiera eman diote mobilizazioari.

Joaldunek ireki dute 'herri libreen martxa'. Horien ostean, munduko hainbat herritako ikurrak daramatzaten gazteak joan dira, eta jarraian auzipetuak beste herritar batzuekin besotik helduta 'herri harresia' irudikatuz. Baluarte eraikinean Espainiako Estatuaren sinboloak jarri dituzte, eta jendeak zapatak bota dizkie.

Bost akusazio egin zaizkio Espainiari. Hala nola, zapalkuntza nazionalaren bidez, Euskal Herria sozialki zapaltzea; Saharako mendebaldearen deskolonizazioan ardurarik ez hartzea; Amerikako berezko hizkuntzen aurka egitea; Repsolek eragindako txikizioa eta NATOn parte hartzea. Espainiako Gobernuaren odezkaritzaren aurrean bukatu dute manifestazioa, eta hantxe irakurri dute azken epaia: "Espainia erruduna da herriak zapaltzeagatik". Epaiketa hasten denean, Espainiako Auzitegi Nazionalera eramango dute Askapenako auzipetuek.

Urriaren 19an, Aritz Ganboa, Walter Wendelin, Gabi Basañez, Unai Vazquez eta David Soto militante internazionalisten aurkako epaiketa hasiko da. Haiek epaitzeaz gainera, Askapena, Askapeña eta Elkar Truke elkarteak legez kanpo utzi edo ez erabakiko dute epaileek.

Azken ekitaldiaren ostean, Herriak Libre dinamikak programazio zabala prestatu du Iruñeko Alde Zaharreko Nabarreria plazan.

Joxerra Senar BERRIAko kazetariak mobilizazioaren berri eman du Twitter bidez.

Hainbat alorretatik elkartasun mezuak

Aurreko astean, gaurko manifestaziora joateko deia zabaldu zuten hainbat alorretako kideek bideo baten bidez. Besteak beste, ‪Amparo Lasheras kazetariak, Iñaki Ortiz de Villalba Betagarriko abeslariak, Unai Gaztelumendi eta Beñat Gaztelumendi bertsolariek eta Uxue Alberdi idazle eta bertsolariak egin dute Herri libreen martxa-rako deia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Javier Esparza izango da hirugarren aldiz eskuinaren lehendakarigai hurrengo foru bozetan. ©BERRIA

Esparza berriro izanen da hautagai foru hauteskundeetan

Joxerra Senar

Kontseilu Politikoko kideen %91ko babesarekin, aise irabazi dio lehia Juan Miguel Rubio beste hautagaiari, eta foru hauteskundeetan eskuinaren zerrendaburu izango da berriz ere

EH Baiko bozeramaileek egindako agerraldia, atzo, Baionan. ©GUILLAUME FAUVEAU

EH Bai Frantziako Legebiltzarreko bozetara aurkeztuko da

Oihana Teyseyre Koskarat

Iparraldeko barruti guztietan izanen dituzte hautagaiak. Gogoeta prozesu bat abiatu dute

Eneko Andueza, artxiboko irudi batean. ©Marisol Ramirez / Foku

PSE-EEk eta Ahal Dugu-k asmoa adierazi dute elkarren arteko harremanak indartzeko

Berria

Anduezak eta Garridok lan erreformaren aldaketa defendatu dute, eta EAJren eta EH Bilduren jarrera kritikatu.

Sorturen bigarren kongresuko itxiera batzarreko irudi bat. 2017an egin zuten. ©Monika del Valle / FOKU

Sortuk «independentziarako konpromisoa» berretsiko du hilaren 22an

Maddi Ane Txoperena Iribarren

Hirugarren kongresuko itxiera batzarra eginen dute, Bilboko Bizkaia frontoian. Nazio Kontseilua eta Nazio Idazkaritza osatuko dituzten kideen izenak orduan jakinaraziko dituzte. «Aldaketa politiko eta sozialerako borroka indartu» nahi dute datozen hilabeteotan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.