Albistea entzun

Eskuin Muturra

Batallon Vasco Españoleko kide ohi bat omendu dute Madrilen

Eskuin muturreko hainbat taldek omendu dute Ladislao Zabala Soltxaga Batallon Vasco Españoleko kide ohia. Zazpi pertsona hil eta beste bi hiltzen saiatzeagatik Auzitegi Nazionalak 231 urteko espetxe zigorra ezarri zion Zabalari 1985. urtean.

Zabala Soltxagaren omenez egindako kartela.
Zabala Soltxagaren omenez egindako kartela. La Directa Tamaina handiagoan ikusi

Berria -

2015eko azaroak 2

La Directa agerkariak omenadiko argazkiak eskuratu ditu. Eskela publikoaren arabera, Zabala uztailaren 30ean hil zen. Hori dela eta, La Directako kazetariek omenaldia abuztu eta urri bitartean kokatu dute. La España en Marcha eta Hogar Social Ramiro Ledesma elkarteek antolatu zuten omenaldia Madrilgo Los Cien Balcones jatetxean.

Zabala 1960ko hamarkadako Gipuzkoako Aldundi frankistako presidenteordearen semea eta Jose Soltxaga jeneralaren biloba zen. Trantsizioan Ignacio Maria Iturberekin batera Batallon Vasco Español eskuin muturreko talde armatua sortu zuen. Zabalak eta Iturbek mugaren alde batean eta bestean egin zituzten ekintzak. Euren komandoak zazpi pertsona hil eta beste bi larri zauritu zituen Gipuzkoan 1979 eta 1981 urteen artean.

Biak atxilotu zituzten 1981eko martxoan. Urte hartan epaitu eta zigortu zituzten, besteak beste, Jose Ramon Ansa, Tomas Alba Donostiko Herri Batasuneko zinegotzia, Felix Sagarna, Miguel Maria Arbelaitz, Luis Maria Elizondo, Joaquin Antimasbere eta Francisco Ansa hiltzeagatik. Zabalak 1992. urtean hirugarren gradua eskuratu zuen. Baldintzapeko askatasuna, berriz, 1994an eman zioten. Bost urte geroago behin betiko aske gelditu zen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Dozenaka jende agertu zen atzo Baionako auzitegi aitzinean, auzipetuei sostengua erakustera. ©GUILLAUME FAUVEAU

Martxoaren 9an emango dute 11 'bakegileren' inguruko deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan autobidea blokeatzea egotzita epaitu dituzte. Ekintza justifikatu dute guziek
 ©IÑIGO URIZ / FOKU

«Gure erronka da nola lotu nazio proiektua oraingo borrokekin»

Joxerra Senar

Hiru urteko etenaldiaren ostean, Plaza Hutsa egingo du Sortuk Burlatan bihar. Militantziaren bilgune horretan, herrigintzari buruz gogoeta egin eta ildo bat ezarri nahi diete aurretik ezarritako sei eremu estrategikoei.
Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburua, iazko azaroan, Eusko Legebiltzarrean. ©JAIZKI FONTANEDA / FOKU

Artolazabalek otsailaren 14an utziko du sailburu postua

Mikel Elkoroberezibar Beloki

EAJren Gasteizko alkategaia izango da Artolazabal, eta kanpainaurreari heltzeko utziko du Berdintasun, Justizia eta Gizarte Politiketako sailburu postua. Esan duenez, «oso gustuko» izango luke bere ordezkoa emakume arabar bat izatea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...