Albistea entzun

Kataluniaren independentziarako prozesua

Masek ohartarazi dio CUPi ez duela presidentegaia aldarazteko nahikoa indar

Aitortu du haien hamar diputatuen esku dagoela martxoan berriro ere hauteskundeak deitzea. Baikor agertu da igandeko batzarrean parte hartu zutenen erdiek bere aldeko aukeraren alde egin zutelako.

Artur Mas, igandean, Tarragonako presondegi berri baten inaugurazioan./
Artur Mas, igandean, Tarragonako presondegi berri baten inaugurazioan./ Jaume Sellart/EFE

Ainhoa Oiartzabal -

2015eko abenduak 29 13:22

Erabaki handiak soilik CUPek hartuko balitu, zenbat jende jaitsiko litzateke prozesuaren trenetik?", egin du galdera Kataluniako Generalitateko jarduneko presidente Artur Masek, eta indarra "neurriz" erabiltzeko deia egin dio CUPi. Catalunya Radion goizean egin dioten elkarrizketan aitortu du CUPen hamar diputatuen eskuetan dagoela hauteskundeak errepikatzea, baina ohartarazi die ez dutela nahikoa indar presidentegaia aldatzeko, Hau da, Junts Pel Siren hautagaia izaten jarraituko duela berretsi du. Hauteskundeak berriro egiteak ez duela beldurtzen erantsi du Masek.

Igandeko CUPen batzarraren bozketan berdinketa izan zela-eta "harrituta" gelditu zela esan du Masek. Hala ere, bertan parte hartu zutenen erdiek bere hautagaitzaren aldeko aukera babestu izana seinale ona dela uste du.

CDCko alderdikide Carles Campuzanoren proposamena hizpide hartuta esan du aurretik epe guztiak agortu behar diela. Beraz, ez du uste du, Campuzanok adierazi bezala, beste aliatu bat bilatzeko ordua edota hauteskundeak deitzeko garaia denik.  "Urtarrilaren 10a arte bizia dago".

Ehun batzar

CUPen kontseilu politikoa larunbatean bilduko da Masen inbestiduarri buruz erabakitzeko, baina horren aurretik tokian tokiko ehun batzar inguru egingo dituzte militanteek. Haietan irteten dena eramango dute kontseiluaren bilerara batzar horien ordezkariek —hamahiru dira—. Ordezkari horiekin batera, CUPen hamar diputatuk, idazkaritzako hamabost kidek eta CUP babestu zuten dozena bat eragilek hartuko dute parte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Raila Odinga presidentegaiaren jarraitzaileak, Nairobin. / ©Daniel Irungu, EFE

William Rutok irabazi ditu Kenyako presidentetzarako hauteskundeak

Arantxa Elizegi Egilegor

Hauteskunde Batzordeko zazpi kideetatik lauk uko egin diote emaitzak onartzeari. Raila Odingaren jarraitzaileek protesta egin dute batzordeko kideak bilduta dauden hotelaren atarian.

Nicola Sturgeon lehen ministroa, Eskoziako Parlamentuan. ©FRASER BREMNER/SCOTTISH DAILY MA

Hilekoarentzako produktuak doan banatuko ditu Eskoziak gaurtik aurrera

Berria

Gaur sartu da indarrean Hilekoarentzako Produktuen Legea, Eskozian. Udalek eta eskolek banatuko dituzte tanpoiak eta konpresak, eta eskatzen dituen ororentzat eduki beharko dituzte eskuragarri, doan.

Guayaquil hirian igande goizaldean izandako atentatua. ©Guayaseko gobernua.

Bost lagun hil dituzte Ekuadorren, lehergailu batekin egindako atentatuan

Hodei Iruretagoiena

Ekuadorko Gobernuak salbuespen egoera ezarri du Guayaquil hirian, 30 egunerako, «hiria babesteko eta kontrola berrezartzeko beharrezko neurri guztiak» hartzeko.

Israelgo Polizia, atzo, Jerusalem ekialdean. / ©Abir Sultan, EFE

Palestinar bat hil du tiroz Israelgo armadak

Arantxa Elizegi Egilegor

Jerusalem ekialdean egindako sarekada batean hil dute 21 urteko gizonezkoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.