EPAITEGIAK

Gorenak artxibatu egin du abokatu ugarik Velascoren aurka jarritako salaketa

"Prebarikatzea" egotzita salatu zuten Auzitegi Nazionaleko epailea.

Arantza Zulueta beste zazpi lagunekin batera atxilotu zuten 2014ko urtarrilean.
Arantza Zulueta beste zazpi lagunekin batera atxilotu zuten 2014ko urtarrilean. Luis Jauregialtzo / Argazki Press

Berria -

2016ko urtarrilak 18

Hamalau abokatuk jarri zuten salaketa; tartean, EH Bilduko senatari Iñaki Goioagak eta Jon Enparantza eta Arantza Zulueta presoek. Abokatuek argudiatu zuten "existitzen ez ziren" delituak egotzi zizkiela Velascok, eta, abokatuen kontra 2014ko urtarrilean eginiko polizia operazioan atxiloaldia luzatuta, beren eskubide konstituzionalak urratu zituela.

Espainiako Auzitegi Gorenak ebatzi du Velasco epaileak ez zuela deliturik egin, "ez zuelako urratu inolako berme konstituzionalik". Operazio "konplexua" izan zela, lagun ugari atxilotu zituztela eta hainbat miaketa egin zirela gogorarazi du auzitegiak; "beraz, egokia zen horien emaitzei itxarotea atxilotuak aske uztea edo ez erabakitzeko.

2014ko urtarrilaren 8an atxilotu zituzten Zulueta eta Enparantza, Euskal Preso Politikoen Kolektiboaren (EPPK) beste sei bitartekarirekin batera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna