Albistea entzun

Erabakitzeko eskubidearen alde lan egitera deitu du Udalbiltzak

 

Berria -

2016ko martxoak 26

«Sentsibilitate ezberdineko herritar oro» Aberri Eguneko deialdietan parte hartzera deituz eman zuen atzo Udalbiltzak argitara bere adierazpen instituzionala. «Euskal Herria aintzat hartzen duen herritar orori» egiten zaio deia bertan, erabakitzeko eskubidearen alde lan egin dezan. Eta eragile politikoei ere bai beste bat, «Euskal Herriaren kohesioaren alde urrats eraginkorrak» egin ditzaten.

«Baikortasunez eta esperantzaz» bizi du Udalbitzak sasoi politikoa hau, bere adierazpenean nabarmentzen duenez. «Hauteskunde zikloa amaituta, eta herritarrak ahalduntzeko egiten ari diren ahaleginak eta erabakitzeko eskubidearen aldarri ozenak egoera ezin hobean jartzen dute Euskal Herria herriago izan dadin». Datozen hilabeteetan Gure Esku Dagok bultzatuta hainbat herrietan egingo diren galdeketak gogora ekarri eta goraipatzen ditu Udalbitzak. Erabakitzeko eskubidearen «ariketa praktikoa» egingo dela nabarmenduz, eta «euren borondateaz» galdetuko zaiela azpimarratuz: «Inposaketarik gabe, mehatxurik gabe, libre eta aldarte onean. Ariketa demokratiko osasuntsuan».

Zubiak eraikitzen

Eta baikortasun horren baitan ikusi du Udalbitzak azken hilabeteotan alderdi abertzaleen artean arazo ziren hainbat gai «konponbidearean atarian» jarri izana —zuzenean haiei erreferentziarik egin gabe, Eudeli eta Udal Legeari buruz ari da, besteak beste—. «Gaur arte apurtuta zeuden zubi batzuk eraikitzen hasi dira».

Nafarroako Gobernuak emandako urratsak ere «esanguratsuak» iruditu zaizkio Udalbitzari «Euskal Herriko garapenari begira». Izan, eremu ez euskalduneko sare publikoko ikastetxeetan euskaraz ikasteko zegoen debekua altxatu duelako, izan Akitania-Euskadi Euroeskualdearekin bat egin duelako berriro. Zentzu berean, Ipar Euskal Herria instituzionalki ezagutua izateko ematen ari diren urratsak eta Euskal Herrian sortzen ari diren indar politiko berriak ere ekarri ditu gogora Udalbiltzak. Testuinguru horretan, konpromisoa hartu du Euskal Herriko instituzioen arteko «elkarlana» bultzatu eta «zubigintzan» lan egiteko.

Agiria

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna