Albistea entzun

Hezkuntza

Aurten 30 ikastaro egingo ditu UEUk, “inoiz baino pluralagoak”

Iruñean, ikastaroen data ekaineko azken astera aurreratu dute, jende gehiago erakartzeko asmoz.

Iñaki Alegri, Irati Iciar eta Mikel Haraburu, Iruñean
Iñaki Alegri, Irati Iciar eta Mikel Haraburu, Iruñean UEU Tamaina handiagoan ikusi

Joxerra Senar -

2016ko maiatzak 18

“Anitza da aurtengo udako ikastaroen leloa”. Iñaki Alegria Udako Euskal Unibertsitateko zuzendariak aurtengo edizioak gai, formatu eta tokien aldetik izango duen aberastasuna nabarmendu du goizean egindako aurkezpenean.

Interesguneetako bat Iruñean datza. Aurreko urteetan sanferminen ondotik egin izan dituzte ikastaroak  eta aurten ekainaren azken astera aurreratu dute. “Guretzat aldaketa estrategikoa da aldaketa honekin bertako jende gehiago etortzea du helburua”, azpimarratu du Alegriak.

Ekainaren 29an, kasurako, Nafarroako aldaketari buruzko ikastaroa antolatu dute Gobernu-kudeaketa aldaketa, erregimen aldaketa? izenburupean. Era berean, ekainaren 27an, Eusko Kultur Fundazioarekin elkarlanean  Eugenio Arraiza zenaren figura aztertuko dute, batez ere azken 40 urteetan euskal kulturaren bultzatzaile gisa egin zuen lana.

Guztira 23 ikastaro eta 7 jardunaldi antolatu dituzte. “Azken urteetan 40 ikastaro antolatu izan ditugu, baina aurten erabaki dugu eskaintza trinkotzea eta optimizatzea”, azaldu du Irati Iciar Udako ikastaroen arduradunak. Iruñean 6 ikastaro egingo dituzte ekainaren 27tik 29ra; Eibarren 11 ikastaro eta lau jardunaldi ekainaren 30 eta uztailaren 1ean eta uztailaren 11tik 15era; Baionan lau ikastaro eta Bidarten jardunaldi bat uztailaren 6tik 8ra; Donostian jardunaldi bat eta Bilbon eta Zumaian ikastaro bana.

Baldintzei dagokionez ikasle, langabe eta erretirodunek beherapenak izango dituzte matrikula egiteko. Euskal Herriko hainbat udalek diru laguntzak emango diete euren herritarrei. Bizkaitarrek zein gipuzkoarrek laguntza desberdinak dituzte. Berrialagunek ere UEUko bazkideen beherapen berak izango dituzte. Guzti hori ueu.org webgunean ikus daiteke.

Jardunaldietan, besteak beste, honako gaiak jorratuko dira: Teknologia eta itzulpena; matematikari euskaldunen topaketak; arkitektura eta hirigintzan euskararen egoera; energia eta sare elektrikoak.

Ikastaroetan, berriz, gizarte zientziak eta gai zientifikoek izango dute protagonismoa: nola idatzi administrazio testu ulergarriak; euskararen biziberritzea; adimen gaitasun handiko ikasleei erantzuna; guraso/hezitzaile eta haurren elkar ulertzea; IKTak Euskal Herrian; Kartzela eta euskal gatazka birpentsatzen; berezko zuzenbide zibilari buruzko hausnarketak; Arkitektura eta hezkuntza espaziala; Python programazio-lengoaia; sendabelarrak eta etnobotanika; kostako basa-bizitzaren ikerketa; zientziaren dibulgazioa…

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitziber Sarobe eta Ainara Kaltzakorta, atzo, Ekotopaketen lehen mahaietako batean. ©ARITZ LOIOLA / FOKU

Kolektiboki ekiteko dei ozena

Maite Asensio Lozano

Krisi ekosozialari nola erantzun aztertzeko, Ekotopaketak egiten ari dira asteburuan Portugaleten, 'Azken krisia, gure garaia' lelopean
Los Arcos zirkuituaren inaugurazio ekitaldia, 2010eko ekainean. ©IÑIGO URIZ / FOKU

Los Arcos kostatu zenaren %10ean saldu du Nafarroako Gobernuak

Joxerra Senar

Gobernuko arduradunak pozik agertu dira salmentarekin, urtero lau milioi euroko gastua baitzuen zirkuituak. Zazpi milioitan saldu dute
Ikoitz Arrese, atzo, Eusko Legebiltzarrean. ©RAUL BOGAJO / FOKU

EH Bilduk harreman fase bat hasiko du eragileekin hezkuntza legeaz aritzeko

Irati Urdalleta Lete

Ikoitz Arrese legebiltzarkideak «patxada eta ausardia» eskatu dizkio Jaurlaritzari. Bildarratzek eragileekin mintzatzeko prestasuna erakutsi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...