Noiz sortua: 2016-06-02 07:42:36

Erraustegiaren aurkako mugimendua

Jendetza elkartu da erraustegiaren aurkako dinamikaren bosgarren egunean ere

Ertzaintza bigarrenez joan zaie gaur Gipuzkoa plazan kanpatuta daudenei, handik bidaltzeko asmoz. Bi lagun eraman ditu atxilotuta Ertzaintzak, ez direlako identifikatu. Polizia etxean identifikatu dituzte, eta aske utzi dituzte, baina epaiketa azkarra egingo diete, "datozen egunetan". Kanpaldiaren antolatzaileek mugimendua "kriminalizatu" nahi izatea egotzi diete agintariei. Arratsaldeko seietan manifestazioa egingo dute Gipuzkoa plazatik abiatuta.

Gipuzkoa plaza izan dute topagune berriro ere.
Gipuzkoa plaza izan dute topagune berriro ere. Gorka Rubio / Argazki Press

Arantxa Elizegi -

2016ko ekainak 2

Asteazkenean egin bezala, gaur arratsaldean ere manifestazioa egin dute ehunka lagunek Donostiako erdialdeko kaleetatik, dinamikaren topagune bilakatu den Gipuzkoa plazan amaituz. Bertan egin dute batzarra, Ertzaintzaren begiradapean.

Erraustegiaren aurkako kanpalekuko kideak Gipuzkoa plazara itzuli ziren atzo iluntzean, gaua bertan pasatzeko asmoz. Gaur goizean, ordea, sare sozialetan abisua eman dute bertan dela Ertzaintza kanpalekua bigarrenez husteko asmoz.

Batzarra egin ostean, segurtasun indarrei era baketsuan aurre egitea ebatzi dute kanpalekukoek.

Protestan ari direnak banaka ateratzen hasi da Ertzaintza, eserita daudenek "ustelak kanpora" eta "errausketarik ez" oihukatzen duten bitartean. Zenbait iturrik zabaldu dutenez, protestan ari direnak identifikatu dituzte segurtasun indarrek, eta haietako bi eraman egin dituzte. Erraustegiaren aurkako mugimendua "kriminalizatu" nahi izatea egotzi die Gipuzkoa Zutik-ek agintariei. Gipuzkoa Zutik-ek salatu duenez, "erresistentzia egitea" egotzita atxilotu egin dituzte identifikatutako bi herritarrak. Segurtasun indarren jokabidea salatu dute mugimenduko kideek: "Ez dugu ulertzen zertara etorri den Ertzaintza. Izutu egin nahi gaituzte". Bitartean, arratsaldeko ekintzei eustea erabaki dute batzarrean.

Gipuzkoa Zutik-ek salatu egin ditu atxiloketak, eta gogorarazi dute kalea "denona" dela, eta ez udaletxearena edo aldundiarena. "Gure aldarrikapena entzun arte ez gara mugituko. Bizitzaren aldeko mugimendua gara, eta bizitza ezin da hustu". Astebururako, berriz, kanpaldiaren gunera gerturatzeko deia egin diete herritarrei. "Denen esku dago proiektu hiltzaile hau gelditzea". "Atxilotuak askatau" oihuekin amaitu dute agerraldia.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna