Albistea entzun

ESPAINIAKO GORTEETARAKO HAUTESKUNDEAK

Bizkaiko PPk argitu du "alde" hitzak harridura marka behar duela ospa egiteko adiera izateko

Gaztelaniaz pentsatutako iragarkiek ez dute sarri emaitza onik izaten euskarara itzultzean. Espainiako Gobernuko PPko presidentegaia da itzulpen okerren azken biktima, a favor gaztelerazko mezua euskaraz alde itzulita.

PPren iragarkia.
PPren iragarkia. / Iñaki Lasa Etura Tamaina handiagoan ikusi

Berria -

2016ko ekainak 14

Zenbait egunkaritan gaur argitaratu den Rajoyren iragarkiaren ondoren, Bizkaiko PPk azkenean Euskaltzaindiari egin dio kontsulta, eta Facebookeko bere kontuan argitu du horren arabera zuzena dela Rajoyren argazkia Alde mezuarekin jaso duen iragarkia. Argudiatu du PPk ospa egiteko adiera izateko harridura ikurra behar duela Alde horrek: "Publizitateari dagokionez, non irudiari garrantzia gehiago ematen zaion, ez dira beti hitz guztiak agertzen. Hala, a favor izan daiteke alde", diote.

Leloak gaztelaniaz pentsatu eta euskaratzeak ezustekoak sortzen ditu, ordea, eta hori gertatu zaio PPri, irakurle eta sare sozialetako erabiltzaile askok iragarkia beste modu batera ulertu dutenean. Harridura markarik izan ez arren, Rajoy zeren alde dagoen ez zehazteak eman du nahasmenerako bidea, eta beste adiera nagusitu da, eta  adarjotzea: alde egingo al du Rajoyk?

BERRIAko Euskara taldeak argitu du berez hala dela, baina gaur egun puntuazio markak oso gutxi erabiltzen direla publizitatean eta gaurkoak argi erakusten duela lelo gisa Alde ez dela batere egokia. Hain zuzen, joan den astean alderdien leloak itzultzerakoan, Alde hitzaren desegokitasunaz eztabaidatu zuten Euskara taldean (PPren egoitzan ez zuten telefonoa hartu), eta, azkenean, Aldeko itzuli zuten.

Azken egunetan dezente zabaldu da Ahal Dugu-ren afixa bat ere sare sozialetan: "No más corrupción" esan nahi, eta euskarara "korrupzio gehiagorekin" itzuli zutenekoa. Iazkoa da okerra, baina ez zen izan lehena, ezta azkena ere. Oihartzun handia izan du Rajoyrenak ere sare sozialetan:

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».
 ©JON URBE / @FOKU

Altsasu: tsunamiari aurre egin dion horma

Joxerra Senar

Asteon, Europako Giza Eskubideen Auzitegiak ez du tramiterako onartu Altsasuko zortzi gazteen defentsaren eskaera, eta auzia itxitzat jo du. Amaia Izko abokatuak azaldu du «zail» egin zaiela Estrasburgon bost urteotako bidegabekeria ikusaraztea.
 ©SORTU

Arkaitz Rodriguezen zuzendaritza taldeak Sortuko militanteen %89ren babesa jaso du

Uxue Rey Gorraiz

Hirugarren Kongresuko itxiera ekitaldia egin du Sortuk Bilboko Bizkaia pilotalekuan. Zehaztu dituzte Nazio Kontseiluaren kideak: David Pla norabidetze estrategikorako gunearen arduraduna izanen da aurrerantzean, besteak beste.

Amarik gabeko urtebetetze eguna

Maddi Ane Txoperena Iribarren

Maria Lizarraga eta Iñigo Gutierrez euskal presoen alaba Izadik bihar beteko ditu 3 urte. Kartzelatik atera beharko du orduan, Espainiako espetxe legediak hala aginduta, eta amarengandik bereizi. Gutierrez atzo atera zen espetxetik, hirugarren graduan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.