Albistea entzun

Politika

Bakea, indarkeria ezetik haratago jota

Gaurtik asteazkenera, Madrilen, ‘ETArik gabeko Euskadiren bizikidetzarako etorkizuneko proposamenak’ udako ikastaroa izango da. Complutense Unibertsitateak antolatu du, eta Jaurlaritzak babestu.

Bakea, indarkeria ezetik haratago jota
Bakea, indarkeria ezetik haratago jota Tamaina handiagoan ikusi

Enekoitz Esnaola -

2016ko uztailak 4 12:41

Madrilen datozen egunetan euskal gatazkari buruzko udako ikastaro bat izango da, eta hasiera azpimarragarria du topaketako aurkezpen testuak:: "Indarkeria eza baino askoz gehiago da bakea". Ikastaroaren zuzendari Carlos Lopez Fonsecak BERRIAri esan dio jadanik bost urte pasatu direla ETAk jarduera armatua utzi zuela jakin zenetik, "eta hori ez da aski bizikidetza bat izateko". Haren arabera, "politika aktiboak" behar dira, helburu "normalizazioa" izanik. Hain zuzen, gaurtik asteazkenera ETArik gabeko Euskadiren bizikidetzarako etorkizuneko proposamenak izeneko ikastaroa izango da Escorialen, Complutense Unibertsitateak antolatuta. Eusko Jaurlaritza da babeslea, eta handik Iñigo Urkullu lehendakaria eta Jonan Fernandez Bake eta Bizikidetzarako idazkari nagusiak hitz egingo dute. Euskal alderdi nagusietako ordezkariak ere ariko dira, baita biktima mota desberdinetako kide batzuk ere.

Fonsecak uste du "garai interesgarria" dela horrelako gaiez aritzeko, "udazkenean Eusko Legebiltzarrerako hauteskundeak izango baitira, eta urrian beteko direlako bost urte ETAren erabaki hartatik. Horregatik ekarriko ditugu euskal alderdietako ordezkariak, Madrilen ere azaldu ditzaten euren proposamenak, eta mahai inguru bat ere egin dezaten. Akordio txikiek garrantzia dute. Gainera, haien eguneroko eremutik aterako dira hona etorrira, eta, distantzia bat hartuz, beste perspektiba bat izanda mintza daitezke". Dena dela, aipatu du Madrilgo hori "unibertsitate foro bat" dela, ez gehiago.

Fonsecak berak proposatu zien Complutenseko Udako Ikastaroetako arduradunei horrelako saio bat egitea. "Aurretik Jaurlaritzari aipatu nion, eta ongi iruditu zitzaion. Ikastaroen zuzendaritzak joan den otsailean jo zuen ontzat". Gonbidapenak egitean jo zuten Hasier Arraizengana, "hura zelako EH Bilduren eledunetakoa, eta baiezkoa eman zuen", Fonseca kazetari eta idazleak dioenez. Covite biktimen elkarteak haren parte hartzearen aurka egin zuen, Segurako auzian EAEko Auzitegi Nagusiak zigortu egin duelako, ETAko kidetzat jota. Fonsecak dio EH Bilduk Arraizen partez Julen Arzuaga legebiltzarkidea bidaltzea erabaki zuela gero. Bizikidetzari buruzko ikastaroaren zuzendariak aitortu du biktimen elkarte batzuk politika berrien aurkako jarrerarekin dabiltzala. "Guk Eraikiz esperientziakoak gonbidatu ditugu".

Haren arabera, "Madrilen ikusten da Euskadin bizikidetzaren alorrean gizartea instituzioen eta politikarien aurretik" doala, eta adibide gisa jarri du Eusko Legebiltzarrak Bake lantaldea abiatu ez izana. "Pauso berriak eman behar dira". Complutenseko ikastaro haren idatziak dio ETAk utzi zuenetik "elkarbizitza egonkortu" egin dela, "baina bakea berradiskidetze sozialaren ariketa bat ere bada; bizikidetza normalizatu soil batetik haratago doa. Ez da nahikoa zauriak orbaintzen joateko denbora pasatzen uztea; haiek kauterizatzeko ekinbide zehatzak behar dira".

Duela bi urte ere bai

Duela bi urte ere antolatu zuten Euskal Herriko elkarbizitzaz Complutense Unibertsitateko Udako Ikastaroa, orduan ere Jaurlaritzaren babesarekin (argazkian, orduan, Urkullu eta Fonseca). Ikastaroaren sarrera testuak zekarren ETAk jarduera armatua utzi ostean "zigor eta espetxe politika berria" behar dela, "indarkeriaren aroa behin betiko bukatzeko". Urkullu eta Fernandez mintzatu ziren orduan ere, baina euskal alderdietako ordezkarien hitzaldirik ez zen izan, eta, orain ez bezala, epaile batzuk aritu ziren: Joaquin Gimenez, Jose Ricardo de Prada, Jose Luis de Castro eta Jose Antonio Martin Pallin.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Usurbilgo udaletxea. ©NOAUA

Usurbilgo Sagardia plazaren izena aldatzeko exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

EH Bilduko Maddalen Iriarte eta Nerea Kortajarena aurrekontuei buruzko agerraldi batean. ©ENDIKA PORTILLO / FOKU

Oposizio taldeak adina osoko zuzenketa Jaurlaritzaren aurrekontuei

Xabier Martin

Osoko zuzenketez gain, 711 zuzenketa partzial aurkeztu dituzte EH Bilduk, Elkarrekin Podemosek eta PP+C’s-ek, 1.433 milioi eurorenak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...