Albistea entzun

Erresuma Batua

Downing Streeteko 10. zenbakiak badu maizter berria

Lehen ministro izatea "inoizko ohore handiena" izan dela esanez agurtu ditu Cameronek lehen ministroaren egoitza parean bildutako kazetari eta herritarrak. Baina gobernuburuarena ez da izango Erresuma Batuko gobernuan izango den aldaketa bakarra.

Theresa May lehen ministro berria, Downing Streeteko 10. zenbakian.
Theresa May lehen ministro berria, Downing Streeteko 10. zenbakian. Will Oliver / EFE

Arantxa Elizegi -

2016ko uztailak 13

Brexit-ari baietz esan ziotenean, Erresuma Batuko herritarrek aldaketa oldea eragin zuten, ohartu edo ez. Horietako bat eta nabarmenena lehen ministroarena izan da. Izan ere, EBn geratzearen aldeko defendatzaile sutsuenetariko bat izanik, logikotzat jo zuen gobernuburuak berak dimisioa ematea. Eta halaxe egin du gaur bertan, Theresa May buruzagi kontserbadoreari tokia utzita.

Komunen Ganberan izan da Cameron eguerdian, asteazkenero egin ohi duten eztabaidan, eta bertan jaso du lehen omenaldia. Izan ere, txaloka agurtu dute sei urtez lehen ministro izan dena. Buruzagi kontserbadorea bera harro agertu da urteotan egindako lanaz, eta nabarmendu du herrialdea "sendo eta egonkorragoa" dela orain.

Komunen Ganbera utzita arratsaldean agerraldia egin du Cameronek, Downing Streeteko 10. zenbakian. Bertan, familia ondoan duela, eskerrak eman ditu "inoizko ohore handiena" izan denaz gozatzeko aukera emateagatik. Bide batez, ordea, aitortu du hartutako erabaki guztiak ez direla zuzenak izan: "Politikariek gustuko dute politikaz hitz egitea, baina politika bera jendearen bizimoduek osatzen dute". Ondoren, sei urtez bere etxea izan dena utzi, eta Buckingham jauregira joan da Cameron, erreginari bere dimisioaren berri ematera.

Lehenik Gobernua

Theresa May izango da aurrerantzean Erresuma Batuko Gobernua zuzenduko duena. Orain arte Barne ministro izan denaren lehen eginbeharra izango da gobernu berria egituratzea. Brexit-aren aldekoen eta aurkakoen arteko oreka errespetatzen ahalegindu beharko du Mayk karguak banatzeko orduan —bihar bertan jakinaraziko ditu horietako batzuk—. Behin hori eginda, Erresuma Batuko herritarrek hartutako erabakiari egin beharko dio aurre Mayk, EBtik irteteko prozesuari, alegia.

Europako Batzordearen hurrengo bilera urriaren 20an egingo dute, eta, beraz, tarte hori baliatuko du Mayk EBko hainbat buruzagirekin banakako bilerak egin eta hurrengo urratsak aztertzeko. Dena den, adituek diote oso posible dela prozesua hainbat urtez luzatzea, hasieran bi urteko kontua izango zela esan zuten arren.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Italiako Barne ministro izandako Matteo Salvini eta haren abokatu Giulia Bongiorno, atzo, Palermon. ©IGOR PETYX / EFE
Turkmenistango presidente Gurbanguly Berdinmuhademov eta Italiako lehen ministro Giuseppe Conte. ©R. A. / EFE

Turkmenistan, COVIDik gabeko herrialdea

Alex Bustos

Berdinmuhademov presidenteak dio ez dutela koronabirus kasurik izan Turkmenistanen; hala ere, pandemiari aurre egiteko neurriak hartu dituzte, besteak beste herrialderako sarrera-irteerak mugatzea.
 ©LARA VILLALON

«Erdogan kritikatzen duten guztiak atxilotzen dituzte»

Lara Villalon

Abokatuaren esanetan, Turkiako Gobernuak legea baliatzen du bere eta estatuburuaren aurkako kritikak isilarazi eta beldurra zabaltzeko: «Ez dute nahi borroka egiterik eta jendea babesterik».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.