Albistea entzun

Donostiako klasikoa

Mollema garaile Donostiako Klasikoan

Murgil bidean gora bakarrik geratu dira Valverde, Rodriguez, Gallopin eta Mollema, eta maldan behera jo du erasoa Trek taldekoak. Hamar bat segundoren aldea zabalduta, nahikoa izan du helmugara bakarrik iristeko.

Bauke Mollema, helmugaratzen.
Bauke Mollema, helmugaratzen. Jon Urbe / Argazki Press

Jon O. Urain -

2016ko uztailak 30

Amaiera ikusgarria eta emozioz beterikoa izan du Donostiako Klasikoaren 36. edizioak. Tropela azken kilometroetara elkartuta iritsi ondoren, Murgilko igoerak erabat apurtu du tropela, eta Bauke Mollema, Alejandro Valverde, Tony Gallopin eta Joaquim Rodriguez geratu dira lasterketa buruan. Mollemak, ordea, maldan behera jo du erasoa, eta besteekiko zabaldutako segundo apurrak nahikoa izan ditu txapela janzteko.

Hasiera-hasieratik izan dira mugimenduak tropelean. Moreno Moser, Przemyslaw Niemiec, Jaques Janse Van Rensburg, Jaime Roson eta Loic Chetout lasterketa hasi eta berehala irten dira ihesean, eta taldetxoan egin dute lasterketaren zati handiena. Jaizkibelgo mendatetik bigarren aldiz igarotzean harrapatu dituzte, ordea. Arkalera bidean, Cannondaleko txirrindulariak jarri dira tropelaren buruan, eta ihesaldietarako aukerarik ere ez du utzi Movistarrek.

Murgilko tontorrerako igoerak erabaki zezakeen gaurko garailea, eta hala izan da neurri batean. Hamar kilometroren faltan, malda gogorrak igo behar izan dituzte txirrindulariek Donostiako Igaratik Igeldora igarotzeko. 1,8 kilometroko igoera da, eta batez besteko %10,5eko pendiza du, nahiz eta %20ko tarteak ere badituen. Igoerako azkeneko 600 metroek %12,5eko pendiza dute. Aldapan gora hasi eta berehala, Adam Yates iazko garaileak jo du lehenengo erasoa, baina atzetik joan zaio Rodriguez. Apurka-apurka gerturatu zaie Valverde, eta Mollema ere atzetik aurrera igaro da mendatean gora egin ahala.

Valverde, Rodriguez, Gallopin eta Mollemaren artean zegoen garaipena. Murgilko tontorra atzean utzita, berehala bizkortu du erritmoa Mollemak. Bakarrik geratu da, eta bederatzi segundo ingururen aldea zabaldu du berehala. Sei-hamar segundora urritu eta zabaldu da alde hori Igeldon behera eta azken bi kilometroetan, baina nahikoa izan da alde hori garaipena lortzeko. Bost segundora helmugaratu dira Valverde 2008ko eta 2014ko garailea eta Gallopin 2013ko txapelduna, eta zaleei eskerrak emanaz iritsi da Rodriguez.

Ongi ezagutzen zuen Mollemak Murgil bidea; izan ere, bere burua grabatu zuen ostiralean bertan entrenatzen:

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jon Pacheco, Aritz Elustondo zoriontzen, hark Realaren bigarren gola sartu ondoren. ©DUMITRU DORU / EFE

Xeriff ere, girgilurik jarri ezinda

Jon Ander De la Hoz

Realak irabazi egin ditu Europa ligan jokatutako partida guztiak; azkena, Moldavian. Eskura du sailkatzea. Silvak eta Aritzek sartu dituzte golak
Moi Gomez, baloiarekin, Rayoren aurkako partidan. Aimar Oroz ageri da hari begira. ©JAGOBA MANTEROLA / FOKU

Aldaera berri bat gehitu du

Iñaki Berastegi

Jagoba Arrasate joko landuaren alde egiten ari da. Moi Gomez eta Aimar funtsezkoak izan dira estilo berria txertatzeko. Osasunak Valentzia hartuko du gaur gauean Sadarren.
 ©BERRIA

Pizgarri eta aukera

Julen Etxeberria

Danel Elezkano eta Iñaki Artola elkarren aurka ariko dira gaur Villabona-Amasan, lau eta erdikoaren final-zortzirenetan. Biek esan dute «nahi baino partida gutxiago» jokatu dituztela udan, baina «esperientziak» lagundu diela egoerara egokitzen.
Aritz Elustondo eta Jon Pacheco, beasaindarraren gola ospatzen. ©DUMITRU DORU / EFE.

Xeriff ere, girgilurik jarri ezinda

Jon Ander De la Hoz

Realak irabazi egin ditu Europa ligan jokatutako partida guztiak, Moldavian gailenduta. Eskura du multzoen fasea gainditzea, Silvak eta Aritzek egindako golei esker.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.