Larrialdi zerbitzuetan 17:45ean jaso dute larrialdiko abisua. Orion gertatu da (Gipuzkoa), Kukuarri inguruan. Ertzaintzako iturriek BERRIAri azaldu diotenez, bi lagun jo ditu abere batek —ez dakite behia edo zezena zen—. Horietako bat bertan hil da kolpearen ondorioz.
Gizon horrekin zihoan beste pertsona bat ere zauritu egin da. Hark eman du abisua larrialdietan, eta ospitalera eraman dute.
Ertzaintzak ikerketa zabaldu du.
