Albistea entzun

Memoria historikoa

Mola eta Sanjurjo militar kolpisten gorpuzkiak Erorien Monumentuko hobitik aterako ditu Iruñeko Udalak

Iruñeko alkate Joseba Asironek jakinarazi du albistea, Paco Etxeberria auzitegi medikuarekin batera. Azaroaren 16an aterako dituzte Askatasunaren plazatik.

Mola jeneralaren aldeko meza bat Iruñean Erorien Monumentuan, 'Gara'-k argitaratu zuen erreportaje baterako bi argazkirekin egindako irudian. /
Mola jeneralaren aldeko meza bat Iruñean Erorien Monumentuan, 'Gara'-k argitaratu zuen erreportaje baterako bi argazkirekin egindako irudian. / Iñigo Uriz/Argazki Press

Arantxa Iraola -

2016ko abuztuak 31

Francoren altxamendu militarrarekin estuki lotutako izenak dira Emilio Mola eta Jose Sanjurjo, eta aspaldiko eskaria izan da horiek Iruñeko hobitik mugitzea. Gaur jakinarazi dute azaroaren 16an egingo dutela.

Erorien Monumentuaren kriptan daude bi militar frankisten hilotzak, beste sei pertsonaren gorpuzkiekin batera. Asironek jakinarazi du denbora dezente zeramatela gorpuzkiak toki horretatik atera eta, hartara, toki hori behin betiko ixteko urratsak egiten. "Legea betetzea da asmoa, eta gure historiaren parte batekin justizia egitea". 

Bi militar kolpisten gorpuzkiak Askatasunaren plazatik —lehen Rodezno kondearen plaza zen— ateratzeko eskaera ez da oraingoa. 2014an jada egin zuen Memoriaren Aldeko Herrien Koordinakundeak. Emilio Mola eta Jose Sanjurjoren gorpuak leku pribatu batera eraman zitzatela eskatu zuen. Halaber, Elizari galdegin zion legea betetzea, eta 1936ko estatu kolpea goratzeko egiten diren mezak bertan behera uztea.

Gaur, gogora ekarri dute bi buruzagi militar frankistekin batera hobiratutako gainerakoak zein izan ziren: denak nafarrak ziren, Francoren aldeko bandoan aritutakoak. Hobitik ateratakoan guztien gorpuzkiak senitartekoei emango zaizkiela esan du Asironek. Hobitik ateratzeko administrazio prozesu formala bihar hasiko dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Marifran Aranjuelo. / ©Maialen Andres, Foku

«Gezur asko esan dizkigute metroari buruz»

Unai Zubeldia - Gipuzkoako Hitza

Donostiako metroaren aurkako borrokak eta migratzaileen eta presoen aldekoak bizi dute, gaur egun, Aranjuelo. Ez zaio batere gustatu Donostiak azken urteotan izan duen eraldaketa.

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao - Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.