Albistea entzun

Memoria historikoa

Mola eta Sanjurjo hobitik ateratzearen aurka bozkatu dute UPNk eta PPk

Parlamentuko gainerako taldeek babesa adierazi diote Iruñeko Udalak hartutako erabakiari, eta alderdi denek azken erasoak gaitzetsi dituzte.

Iruñeko Erorien Monumentua.
Iruñeko Erorien Monumentua. Jesus Diges / Efe

Joxerra Senar -

2016ko irailak 20 12:11

Gaur, Nafarroako Parlamentuko Mahaiaren eta Eledunen Batzordean, Geroa Baik, EH Bilduk, Ahal Dugu-k eta Ezkerrak proposatutako adierazpen instituzionala izan dute aztergai. Agiri horrek, lehen puntuan, bat egin du Iruñeko Udalak Emilio Mola eta Jose Sanjurjo jeneralak Erorien Monumentutik ateratzeko erabakiarekin. Lau alderdiek eta PSNk alde bozkatu dute; UPNk eta PPk, aldiz, puntu horren aurka bozkatu dute.

Udalak erabakia iragarri ondotik, makina bat mezu eta pintaketa azaldu dira Iruñean Joseba Asiron Iruñeko alkatearen aurka, eta eraso egin diete hainbat elkarteri eta German Rodriguezen hilarriari. Erasoek ez dute etenik. Horren inguruan, talde guztiek "irmo" gaitzetsi dituzte erasoak, aho batez, eta "herritar guztien elkarbizitzaren alde egingo duen bake kulturaren alde" azaldu dira.

Araiz: “Euren burua agerian utzi dute”

EH Bilduko Adolfo Araizen ustez, UPNk eta PPk “euren burua agerian utzi dute”. Altxamendu frankistaren bi protagonista nagusi ia 80 urtez Erorien Monumentuan egotea “etengabeko omenaldia” egitea dela deritzo.

Ahal Dugu-ko Carlos Cousok gaineratu du frankismoaren sinbolo oro ere kendu beharko litzatekeela. “2016an oraindik ere Erorien Monumentua eta hobi horiek hor egoteak ez dio ezer onik herrialde honen kalitate demokratikoari buruz".

UPNko Carlos Garcia Adaneroren ustez, berriz, Iruñeko Udalari bermea ematea da ekinaldi horren helburua. “Gure udal taldeak proposatua du zer baldintzatan egin beharko litzatekeen hori. Artzapezpikutza eta familiak aintzat hartu beharko lirateke”.

PPko Ana Beltranek adierazi du jeneral frankisten hezurrak ateratzearen aurka egin duela Memoria Historikoaren Legeak ez dioelako ezer horri buruz. “Egia erdizka esaten dute, eta laukoa bazterrak nahasten ari da”, ohartarazi du.

Argudio hori erabili arren, PPk ETArekin nahastu nahi izan du auzia. Agiriaren azken puntua moldatu, eta proposatu du “terrorismo zein indarkeria oro gaitzestea, bereziki ETArena”. PPko Ana Beltranek esan du EH Bilduk ETAren indarkeria gaitzesteko egin duela eta lau alderdiek “koldarkeriaz” aldatu dutela.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar batzuk paseoan, Iruñean ©Iñigo uriz / FOKU

Beste 655 kasu atzeman dituzte Nafarroan, pandemiako bigarren daturik txarrena

Irati Urdalleta Lete

COVID-19a atzemateko egindako proben %16k positibo eman dute Nafarroan. 124 gaixo daude Osasunbideko ospitaleetan.

Miarritzeko aireportuaren artxiboko argazkia ©Isabelle Miqulestorena

Etxegabe batena da Miarritzen aurkitutako giza eskeletoa

Berria

Orain dela urte batekoa litzateke heriotza lehen ikerketen arabera. Ez dute uste krimen bat izan denik

Baionako txertaketa gunea, artxiboko irudi batean. ©GUILLAUME FAUVEAU

Txertaketa guneetan kezka piztu da, Pfizer dosiak agortzen ari baitira

Oihana Teyseyre Koskarat

Eskualdeko Osasun Agentziak hobetsi du Moderna txertoak banatzea. Baionako guneko langileek lana uzteko eskubidea aldarrikatu dute

Bi pertsona Osakidetzaren osasun zentro batetik ateratzen, Donostian. ©GORKA RUBIO / FOKU

Lehen mailako artako kontsultak atzeratuko ditu Osakidetzak

Arantxa Iraola Irati urdalleta Lete

«Aparteko larritasunik ez duten» kontsultak atzeratuko ditu osasun sistemak; bihotzeko eritasunak eta bronkitis kronikoa dutenen kontrolak. Osakidetzak abisatuko die kontsulta atzeratu dietenei

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.