Ekonomia Ministro izateari utzi zionetik zegoen susmoa egiaztatu da: Emmanuel Macronek berak esan du Frantziako presidente izateko hautagaia izango dela. "Arrakasa izan dazakeguna uste dut; Frantziak arrakasta izan dezakeela".
Abuztuan utzi zuen gobernua Macronek. Ez du alderdi nagusi baten sostengurik, baina Martxan mugimenduaren babesa dauka. Berak sortu zuen mugimendu hori, eta hainbat enpresaburu ere berekin dauzka.
"Itxaropena" izango da Macronen marka, berak esan duenez, eta ez da kokatu ez ezkerrean eta ez eskuinean: "Nire hautagaitza ez dator ez ezkerra batzera eta ez eskuina batzera ere; frantziar guztiak elkartzera dator". Indarrean dagoen sistemaren kontra, "iraultza demokratikoa" behar dela dio, "statu quoa baztertu eta aurrera egitea erabakitzeko". Horretarako, ezinbestekotzat jo du presidentetzara iristea.