Albistea entzun

EUSKARA

ELAk eta LABek ez dute sinatu Euskararen Eguneko adierazpena

Ohartarazi dute 'Zer egin dezaket nik euskararen alde?' testua konpromiso indibidualei begira jarri dela. "Ezin dugu maila berean kokatu instituzio eta herritarron erantzukizuna". Testuaren edukia "lausoa" dela ere esan dute. Euskara sustatzeko egitasmo bat iragarri dute Urola Kostan.

ELA eta LAB sindikatuetako ordezkariak.
ELA eta LAB sindikatuetako ordezkariak. Jon Urbe / Argazki Press

Garikoitz Goikoetxea -

2016ko azaroak 29 08:27

Larunbatean izango da Euskararen Eguna, eta EAEko erakundeek eta euskalgintzak adierazpen eta ekitaldi bateratu bat izango dituzte Bilbon. Zer egin dezaket nik euskararen alde? izenburuko testua Hakobako erakundeek aurkeztu dute —Jaurlaritza, hiru aldundiak, hiru hiriburuetako udalak, eta Eudel eta Uema—, eta 500 atxikimendu baino gehiago jaso ditu —tartean dago euskalgintzako eragile andana bat, Kontseilua buru—.

Ez dute bat egin ELA eta LAB sindikatuek —CCOOk eta UGTk, bai—. Bi sindikatuek gogorarazi dute Jaurlaritzako Hizkuntza Politikarako Sailburuordetzarekin ez daukatela harremanik, “Jaurlaritzak LanHitz egitasmoa apurtu eta diru laguntzen kudeaketa hutsera mugatu zuenetik”. Salatu dute orain “argazkia” nahi duela Jaurlaritzak. Adierazpenaren edukiarekin ere ez dira konforme. Batetik, “konpromiso indibidualak” aipatzen dituelako, “herri aginteek duten erantzukizun politikoa maila berean jarriz”. Ez dute uste hori bidezkoa denik: “Ezin dugu maila berean kokatu instituzio eta herritarron erantzukizuna”. Bestetik, “erabat lausotutakoa” da edukia, ELAren eta LABen iritziz. “Jaurlaritzak ez du egiazko konpromiso politikorik hartzen”.

Hori ikusita, “guztien hizkuntza eskubideak” bermatzeko hizkuntza politika eskatu dute. “Ahalik eta adostasun maila zabalenean oinarrituko dena, baina inori beto eskubiderik onartuko ez diona”. Proiektu bat martxan jarriko dutela iragarri dute. Urola Kostako hamar-hamabost enpresatan euskararen erabilera bultzatzeko egitasmo bat abiaraziko dute, Kontseiluarekin batera. Urtarrilean hasiko dira, eta “sindikatuetako militanteak” izango dira eragile. Langileak “protagonista” izatea nahi dute, betiere bestelako eragileak kontuan hartuz. “Zubi lan hori Kontseiluak egingo du”.

Lehen egitasmoa izango da, eta, emaitzak aztertu eta gero, asmoa dute “beste eremu eta eskualde batzuetara” ere hedatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alexandra Ruiz de Azua eta Aitziber Samaniego. ©JAIZKI FONTANEDA / FOKU

Orbaindu gabeko zaurien ispilu

Edurne Begiristain

Elikadura portaeraren nahasmenduak dituzte Alexandra Ruiz de Azuak eta Aitziber Samaniegok, eta Osakidetzari unitate berezi bat eskatu diote «arta integralerako». Haien ustez, janaria arazo emozional askoren «izozmendiaren punta» da.

«Gure gizartean dena da kontsumorako gai, baita argaltasuna ere»

 ©IÑIGO URIZ / FOKU

«Gure gizartean dena da kontsumorako gai, baita argaltasuna ere»

Ion Orzaiz

Elikadura portaeren nahasmendu kasu ugari artatzen dituzte Argibide fundazioan. Ageriko sintomak artatze hutsaz harago, erroko gabeziei eta arazoei erreparatzeko galdegin du Fermin Goñi arduradun zientifikoak.
Foruzaingoa istripu bat artatzen ©Nafarroako suhiltzaileak

Gizon bat hil da Baztanen auto batek harrapatuta

Isabel Jaurena

Ibilgailuaren gidariak ihes egin du, eta oraindik ez dute aurkitu

Solidary ikerketa taldeko kideak euren liburua aurkezten. ©ISABEL JAURENA

Pandemiak gizarte mugimenduak baldintzatu dituela ondorioztatu dute

Isabel Jaurena

Antirrazismoan, ekologismoan, euskaran eta feminismoan diharduten taldeak ikertu dituzte. Solidary taldeko kideek egin dute ikerketa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...