Albistea entzun

Euskal presoak

Berhokoirigoin: "Presoena mugitu behar da, orain"

Gaur, Mont-de-Marsango espetxetik abiatuko da Bagoaz, Sare eta Etxerat elkarteek antolatu duten Espetxeetako Bira. Hiru astez hogei bat kartzelatan eta hiritan izango dira.

Mixel Berhokoirigoin, Mont-de-Marsango espetxearen aurrean.
Mixel Berhokoirigoin, Mont-de-Marsango espetxearen aurrean. / Iparraldeko Hitza

Eneko Etxegarai - Iparraldeko Hitza -

2017ko azaroak 16

Euskal Herritik Mont-de-Marsango presondegirantz (Okzitania) abiatu da euskal ordezkaritza bat, eta han ekingo diote hiru astez kartzelaz kartzela egingo duten birari.

Ordezkari politiko ugari joan dira espetxe atarira; esaterako, Errepublika Martxan taldeko Fabien Laine, Vincent Bru Frantziako Asanbleako diputatua eta Josu Juaristi Europako Parlamentuko diputatua. LAB, CFDT eta CGT sindikatuetako ordezkariak ere joan dira.

Bru espetxe barruan izan da zuzendariarekin mintzatzen. Bestalde, Juaristik adierazi du Europan ere "mugimenduak" daudela.

Tolosarantz abiatu baino lehen eginiko agerraldian, Mixel Berhokoirigoin bakegileak hartu du hitza: "Bide guzia bururaino ezin da aldebakarrean egin". Azaldu du "milaka" izango direla Parisen, "errateko: presoena mugitu behar da, orain".

Bagoaz-eko Emilie Martinek gogorarazi du "zuzenbide komuna" ezarriz gero 43 preso leudekeela kalean, eta Bruk erantsi du 50 preso bertara eramateko lekua dagoela Mont-de-Marsanen: "Kontziente gara presoen egoera larriei estatuaren erantzunik ezaren eskandaluaz". EPPK-ko kideek bisitarik ez dute jsoko abenduaren 9an, senideak Parisera joan daitezen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Terrorismoaren Biktimen Oroimenezko Zentroa, Gasteizen ©jaizki fontaneda / FOKU
«Utopien funtzioa energien aktibazioa da»

«Utopien funtzioa energien aktibazioa da»

Jon O. Urain

Nola irudikatu gizarte hobeak, ipar gisa hartu eta bideari ekiteko. Utopiak ez dautza gatazkarik ezean, Martinezen ustez, gatazka «modu justuagoan» kudeatzean baizik. Gizarte hobeak ez baitira «zerutiarrak»: «Beti egongo dira egitekoak».

Jose Maria Aznar eta Felipe Gonzalez Espainiako gobernuburu ohiak, maiatzean, Madrilen. ©BALLESTEROS / EFE

BASOARTE ZARBATSUA

Iosu Alberdi

Espainiako Gobernuak desklasifikatu zituen lehen agiri sekretuak GALen ingurukoak izan ziren, 1997. urtean. Halere, zenbait dokumentu ezkutuan mantentzea erabaki zuen Moncloak, «estatuaren segurtasunaren» izenean.

 ©J. DANAE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...