Mundua

Jugoslavia ohirako Nazioarteko Auzitegian pozoia edan du zigortu batek

Sloban Praljaken kontrako auzian, hark jarritako apelazio helegitea aztertzen ari ziren. Likido bat edan du pozoia zela esanda, eta hil egin da. Gizateriaren kontrako krimena egitea egozten zioten. Bideoa, albistean.

Praljak, epaiketan, ustez pozoia dena hartu duen unean. BERRIA
2017ko azaroaren 29a
15:06
Entzun

Aurretik jarritako hogei urteko espetxe zigorra berretsi diote Praljaki. Epaia entzun duenean zigorraren kontrako ahozko protesta egin du, errugabea dela esan du, eta likidoa edan du: "Pozoia edan dut!", oihu egin du gero. "Ez naiz gerra kriminal bat, ez dut epaia onartzen", esan du 72 urteko gizonezkoak.

Carmel Agius epaileak eten egin du auzi saioa, eta zerbitzu medikuei deitzeko agindu du. Praljak anbulantzian sartu dute, eta eraman egin dute. Minutu batzuk pasatu direnean berriz abiatu dute auzi saioa. Geroago jakin da gerrako kriminala hil egin dela. Hedabideek kriminalaren inguruko iturriak aipatuz azaldu dutenez, Hagako erietxean hil da.

Sloban Praljakekin batera beste bost agintari ohi ere bazeuden auzi gelan. 2013an epaitu eta zigortu zituzten seiak gerra krimenak egitea egotzita, eta Jugoslavia ohirako Nazioarteko Auzitegiak zigor hori berretsi die gaur.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.