Albistea entzun

Ekialde Hurbila

Hirugarren Intifadarako deia egin du Hamasek

Trumpek Jerusalem Israelgo hiriburutzat hartzea erabaki izanak "aro politiko baten amaiera" dakarrela ohartarazi du Haniyehek. Greba orokorra antolatu dute mugimendu palestinarrek.

Soldadu israeldarrak Belenen, Zisjordanian. /
Soldadu israeldarrak Belenen, Zisjordanian. / Abed Al Hashlamoun/EFE

Berria -

2017ko abenduak 7

"Abenduaren 8a haserrearen eguna izango da eta Jerusalemen askatasuna izeneko Intifadaren hasiera", ohartarazi du Hamaseko buru Ismail Haniyehek. Haserre hitz egin du berak ere AEBetako presidenteak egindako iragarpenaren ondotik. Hamaseko buruak erantzun dio Donald Trumpi esanez Jerusalem ez dela ez mendebaldekoa eta ezta ekialdekoa ere, "Palestina osoaren hiriburu" baizik.

"Osloko tuneletik irten" eta egungo egoeraz hitz egiteko bilera batera deitu du Haniyehek Palestinako Aginte Nazionala ere. "Erabakiak hartu behar ditugu, politikak egin eta Jerusalemen eta Palestinaren aurkako egitasmo berri honi aurre egiteko estrategiak adostu".

Hamaseko buruarekin bat etorri da Palestinako lehen ministro Rami Hamdala ere eta nabarmendu du Jerusalemek palestinarren  hiriburu izaten jarraituko duela, atzerriko agintariek egiten dituzten adierazpenak egiten dituztela ere. "Palestina 1967ko mugetara itzuliko da eta Jerusalem izango du hiriburu. Trumpen erabakiaren aurka egingo dugu".

Istiluak Zisjordanian eta Gazan

Gutxienez 31 palestinar zauritu dira Israelgo soldaduekin izandako enfrentamenduetan, haietatik 11 tiroz. Zisjordanian 24 pertsona artatu behar izan dituzte, lau tiroek eragindako zauriengatik eta gainontzekoak gomazko balek jota. Tul Karmen eta Qalqilyahen izan dira liskarrak.

Mugimendu palestinarrek greba orokorra antolatu dute eta zenbaitek borroka armatura itzultzeko deia egin dute. Bestalde Tel Avivek iragarri du gogortu egin dituela Zisjordaniako segurtasun neurriak datozen egunetarako deitutako protestak direla eta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ORSOLA CASAGRANDE

«Herrialdearen historiako lurrikararik okerrena izan da hau»

Orsola Casagrande

Kurdistanen krisi mahaia eratu du HDP alderdiak, laguntza kudeatu eta kaltetutako eremuetara iristeko. Aterpeak lortzea da orain lehentasuna Sancarrentzat.
Erreskate taldeak zauritu bat ateratzen, Diyabakirren, Kurdistanen. / ©Ref Tekin, EFE

«Ehunka familia daude hondakin azpian harrapatuta»

Lara Villalon - Istanbul

Goizaldean Kurdistango Gazintep hiritik hurbil gertatutako lurrikarak milaka lagun harrapatu ditu etxean lo. Seismoaren osteko orduetan kaosa izan da nagusi Turkian, Kurdistanen eta Sirian.

Ehunka pertsona hil ditu lurrikara batek Turkian, Sirian eta Kurdistanen

Bi lurrikarak astindu dute Ekialde Hurbila, eta gutxienez 3.600 pertsona hil dira

Edu Lartzanguren - Arantxa Elizegi Egilegor

Gaueko dardarak 7,8ko indarra izan du, eta bigarrenak 7,5ekoa. Turkia, Siria eta Kurdistan astindu ditu lurrikarak. Ankararen arabera, 3.700 eraikin amildu dira haien kontrolpeko eremuetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...