Albistea entzun

Ekialde Hurbila

Liskarrak lehertu dira Gazan eta Zisjordanian

Gazan bi palestinar hil eta dozenaka zauritu dituzte soldadu israeldarrek tiroz. Kalera irteteko eskatu die Al Fatahek palestinarrei, eta "amorruaren eguna" antolatu du Hamasek.

Protestak Betleemen, Zisjordanian. /
Protestak Betleemen, Zisjordanian. / Abed Al Hashlamoun/EFE

Arantxa Elizegi Egilegor -

2017ko abenduak 8 14:23

Jerusalem estatu juduaren hiriburutzat hartzeko proposamena egin ondoren, haserrea hedatu da Palestinan, eta Egiptok, Erresuma Batuak eta Frantziak larrialdiko bilera bat eskatu diote Nazio Batuen Erakundeko Segurtasun Kontseiluari. Premiaz bildu da kontseilua, eta ez du ebazpenik edo adierazpen ofizialik onartu, baina estatu bakar batek ere ez du babestu Etxe Zuriaren adierazpena.

AEBak, berriz, Israelekin lerrokatu dira, bilera horren aurrean. Normalean Israelek soilik erabiltzen dituen argudioak erabili dituelako, lehen aldiz, NBEei erantzuteko. Nikki Haley AEBetako ordezaria: "Nazio Batuek kalte gehiago egin diote Ekialde Hurbilean bakea lortzeko aukerari, mesede baino". Israelekin "erasokor" jokatzea ere leporatu dio NBEri. Trumpen esanak berretsi ditu Haley: "Israelek eskubidea du hiruburua aukeratzeko". Hala ere, Etxe Zuriak bi estatuen irtenbidearen alde jarraitzen dutela erantsi du segidan.

Bitartean, Palestinan, kalera atera dute haserrea. Zisjordaniako hainbat hiritan enfrentamenduak izan dira. Nazioarteko Gurutze Gorriak jakinarazi duenez berrehundik gora lagun artatu behar izan dituzte, eta haietako bat larri eraman dute erietxera. Gazan ere liskarrak piztu dira goizeko otoitzen ostean, eta soldaduek tiroka erantzun diete aurre egin dietenei. Ondorioz, bi palestinar hil dira eta gutxienez beste 25 bat zauritu dituzte.

Liskarrak Jerusalemera zabalduko direlakoan, Israelek segurtasun neurriak zorroztu ditu. Hala ere, eta gaur musulmanentzat otoitz eguna izanik, Al Aksako mezkitara sartzen utzi die herritarrei.

1948an Israelgo estatua sortu zenetik lehen aldia da herrialde batek Jerusalem hiriburu gisa aitortzen duela. Aitortza horrek buruzagi palestinarren haserrea eragin du, eta agintariek iragarri dute AEBetako presidenteordea ez dela ongietorria izango hilaren bukaeran hara egitekoa duen bidaian. Iranek, bere aldetik, gerra piztu nahi izatea egotzi dio Trumpi, eta hirugarren Intifadarako deia egin du Hezbolahek.

Protestak herrialde musulmanetan

Palestinan ez ezik, Egipton, Jordanian, Bahreinen eta Iraken ere AEBen aurkako elkarretataratze eta manifestazioak egin dituzte. Jerusalem judurik ez eta Jerusalem Palestinako hiriburu irakur zitekeen manifestariek zeramatzaten karteletan. Horretaz gain AEBekiko harremanak bertan behera uzteko ere eskatu diete agintariei.

AEBetako Estatu idazkari Rex Tillersonek tentsio giroa baretu nahi izan du adieraziz Jerusalemen estatusari buruzko azken erabakia israeldareta palestinarrek erabaki beharko dutela, negoziazioa baten ostean. "Argi utzi zuen hori Trump presidenteak".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Zero COVID neurrien aurkako manifestariak, bart, Pekinen. ©MARK R. CRISTINO / EFE

Milaka lagun kalera irten dira Txinan, Zero COVID politiken aurkako protestetan

Paulo Ostolaza

Herrialdeko hiri nagusietan izan dira protestak, tartean, Pekin hiriburuan. Urumqi hiriko sute batean hamar lagun hil izanak leherrarazi ditu manifestazioak.

Peruko presidente Pedro Castillo (erdian), Ministroen Kontseilua berritu ostea, joan den ostiralean, Liman. ©EFE

Peruko Botere Judizialak Castillori eskatu dio estatuko erakundeak bilera batera dei ditzala, adostasuna lortzeko

Mikel O. Iribar

Gobernuaren eta Kongresuaren arteko tentsioa areagotu egin da azken egunotan; ganberak ezezkoa eman dio presidentearen konfiantza mozioari, eta Ministroen Kontseilua berritu behar izan dute.

Irango emakumeen aldeko protesta, Istanbulen (Turkia), iragan larunbatean. ©EFE / Erdem Sahin

Iranek ez du NBErekin kooperatuko protestetako errepresioa ikertzeko

Maddi Iztueta Olano

NBEk misio independente bat sortu du mobilizazioen aurkako errepresioa ikertzeko. Mahsa Aminiren hilketaren aurkako manifestazioetan 300 lagundik gora hil dituzte, eta 15.000 herritar atxilotu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...