Atentatua AEB-etan

Leherketa bat izan da New Yorken, eta lau pertsona zauritu dira

Ustez atentatua egiten saiatu den gizonezkoa da zaurituetako bat. Poliziek atxilotu egin dute.

Poliziak eta suhiltzaileak, New Yorkeko Portu Agintaritzak geltokian, atentatua gertatu den lekuan. PETER FOLEY / EFE

2017ko abenduak 11

Autobus geltoki batean gertatu da atentatua. Gizonezko bat saiatu da gorputzera lotua zeraman lehergailua zartatzen. Leherketak izu momentuak eragin ditu, eta lasterka atera da inguruan zegoen jendea, lekukoen arabera.

Poliziak eta larrialdi zerbitzuak aurki gerturatu dira, eta inguruetako kaleak itxi eta hustu dituzte. Azken berrien arabera, lau pertsona zauritu dira leherketan, baina inor ez dago larri —atxiloturikoa litzateke horietako bat—.

Gizonezko "susmagarri" bat atzeman dute poliziek gertakariak izaniko lekuan. Zauritua zegoen, eta preso hartu dute leherketaren ondoan. Manhattaneko metroan atzeman dute.

Orain hilabete eta erdi gertatu zen azkeneko atentatua AEBetan. Furgoneta bat oinezkoen eta bizikleten bide batera sartu zen, eta zortzi pertsona hil eta hamabi zauritu zituen. 29 urteko gizon bat atxilotu zuten orduan. Estatu Islamikoak hartu zuen bere gain.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Albiste gehiago

5.000tik gora dira oraingoz Ekialde Hurbileko seismoetan hildakoak

Arantxa Elizegi Egilegor - Mikel O. Iribar

Gau osoan zehar lanean jarraitu dute erreskate taldeek, baina toki askotan laguntzaren zain daude oraindik. Ohartarazi dute biktima kopurua handitu egingo dela datozen orduetan. Milaka dira kaltetuak, eta 20.000tik gora zaurituak. Erdoganek hiru hilabeteko larrialdi egoera ezarri du hamar probintziatan.

«Herrialdearen historiako lurrikararik okerrena izan da hau»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut