bihar berria-n
“Aurpegia ematea erabaki nuen uste dudalako horixe tokatzen zela une horretan"
Oriol Junquerasi egindako elkarrizketa argitaratuko du bihar BERRIAk. Zergatik erabaki zuen Katalunian geratzea azaltzen du, eta aldi berean, beste edozein jarrera ulertu eta errespetatzen duela".
Oriol Junquerasa ERCko buruak espetxetik erantzun ditu BERRIAren galderak. Osteguneko bozetan hautagai da Kataluniako Generalitateko presidenteordea, baina aurkeztutako helegite guztiak atzera botata, kartzelatik jarraitu beharko ditu emaitzak. Hauek dira bihar BERRIAk argitaratuko duen elkarrizketan esandakoetako batzuk:
- "Nik emaitza onartuko dut, dena delakoa izanik ere. PPk, berriz, mamuak astintzen jarraituko du".
- "Porrot eta sufrimendu askoren emaitza gara. Baina, garaipenaren, ilusioaren, duintasunaren, harrotasunaren eta esperantzaren hazia ere erein dugu".
- "Haiek [Jaurlaritzakoak] beste dinamika batean daude, PPrekin akordioak egiten. Konplizitate handiagoa nahiko nukeen, noski, baina, ikusitakoak ikusita, hobe zerbait ezer ez baino".
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
