Albistea entzun

ERCren garaipena, beste baterako

ERCk ez ditu jaso espero zituen emaitzak, baina indar independentisten gehiengo absolutuak piztu du Iparraldeko Estazioko gaua.

ERCko buruzagiak, emaitzen balorazioa egiten.
ERCko buruzagiak, emaitzen balorazioa egiten. Alberto Estevez / EFE

Jon O. Urain -

2017ko abenduak 21 02:03

Datorren aro politikoan Kataluniaren iparra izan nahian, agian, Iparraldeko Estazioa izan zen Esquerra Republicana de Catalunyako kideen topagune bart, hauteskunde gaua jarraitzeko. Alderdi hori zen, itxura guztien arabera, diputatuetan irabaztera deituta zegoena, behingoagatik zentro-eskuin subiranistari sorpassoa egiteko garaia zuena, Ciutadansekin parez pare ibiliko zena herrialdeko lehen indar politikoa izateko. 2010an hamar diputatu zituen alderdiak Kataluniako Parlamentuan, eta prozesu subiranistaren olatuan igota, hauteskundez hauteskunde joan da zentro-eskuinaren eta zentro-ezkerraren arteko aldea murrizten. Kalkulatu zuten bazela bere garaia, Josep Tarradellasen garaitik ez zuen presidentetza berreskuratzeko unea zela, hobea zela nork bere zerrenda aurkeztea, zerrenda bakarra baino.

Itxaropen horiek guztiak zapuztu ziren boto zenbaketak aurrera egin ahala; hain justu ere, mapan iparralderago erbesteratuta dagoen Carles Puigdemont presidenteak ezustekoa emanda. 20:00etan itxi zituzten hautetsontziak, eta ordurako ikusmin handia zegoen ERCren gunean; erredaktore, esatari, aurkezle, kameralari... kazetariak, adi-adi jarraitzen TV3eko zuzenekoaren zenbaki dantza. Militante gutxi lehen minutuetan, eta, oro har, isiltasuna.

Isiltasunetik marmarrera, ikustean boto zenbaketak gora egin arren, ERC ez zela gai Ciutadans eta Junts Per Catalunyaren pare jartzeko. 32 diputatuak ezin gainditu, eta Girona, soziologikoki subiranistagoa, JPCren koloreez tindauta erabat. Dozenaka kide, baina pantailari adi, serio, alderdiaren garaipenak beste baterako beharko duela barneratzen.

TV3en seinaleak ANC Kataluniako Biltzar Nazionalaren egoitzako irudiak ematean berotu zen giroa ERCrenean; ANCkoen independentzia oihuek hauspotuta, horiek errepikatu zituzten ERCkoek. 22:49. Ordura arte, hitzik ez. Baina bazen poztasunerako tarterik, alderdiaren mugetatik harago begiratuta; botoen hiru laurdenak zenbatuta, independentistek gehiengo absolutuari eusten zioten, 70 diputaturekin, eta C's, PSC eta PPren batura baino gehiago zen. Pozik egoteko emaitzak, Marta Rovira idazkari nagusiaren hitzartzeak erakutsi zuenez: "Gaur, errepublikak 155ari irabazi dio".

Militanteak agurtu, eurodiputatuei kasu egin -han ziren Francois Alfonsi korsikarra eta Martina Anderson irlandarra- eta atseden hartzera joateko garaia zen, boto ia denak zenbatuta. Hustu zen geltokia, kazetariz, alderdikidez eta buruzagiz. Ez zen cavarik izan, ez zen festarako gogorik, galtzak bete lan dituztelako aurrerantzean. "Orain, pertseberantzia", zioen Joan Tarda Espainiako Kongresuko diputatuak. Fruituak, ikusteke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Israelgo eta AB Ameriketako Estatu Batuetako armadek ariketa militarrak egin zituzten, atzo. ©EFE

Israelek eta Palestinako miliziek elkarri eraso egin diote, Jeningo hilketen ostean

Mikel Elkoroberezibar Beloki

Gazatik bost suziri jaurti dituzte Israelera, eta Israelek Gaza bonbardatu du. Ez da hildakorik izan.

Ehorzketa etxe bateko bi langile droga trafikatzailea zelakoan hil zuten pertsona baten gorpua eramaten, Manilan, 2021eko irailean ©ROLEX DELA PENA / EFE

NZAk berriz ireki du Filipinetako drogaren kontrako gerrari buruzko ikerketa

Ander Perez Zala

Auzitegiak fiskaltzaren eskaria onartu du, argudiatuta Manilak harturiko erabakiak ez direla nahikoa izan. Duterteren agintaldian 30.000 lagun hil zituzten, giza eskubideen aldeko erakundeen arabera.

 ©Paolo Aguilar/ EFE

Dina Boluarteren aurkako zentsura mozioa aurkeztu dute

Berria

Peruko Kongresuko zenbait kideren arabera, presidentea «ez da gai» kargu horretan jarduteko

Herritar batzuk gizon baten hilotza eramaten, atzo, Jeninen. ©ALAA BADARNEH / EFE

Israelgo indarrek gutxienez hamar palestinar erail dituzte bi erasotan, tiroz

Julen Otaegi Leonet - Mikel O. Iribar

Jenin hirian eta Jerusalem ekialdean oldartu dira militarrak. Armadako buruak «terrorismoaren kontrako jarduerekin» jarraitzeko agindu du

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.